ປາກົດການສຸດເລິກລັບ ທີ່ເກີດຂື້ນເທິງດວງອາທິດ ຊຶ່ງຍານອາວະກາດຂອງອົງການນາຊ່າ ທີ່ສາມາດຈັບພາບຮ່ອງຮອຍສີດຳຂະໜາດໃຫຍ່
ວັນທີ່ 20 ຕຸລາ ເວັບໄຊຕ໌ຂ່າວສານອອນໄລນ໌ຕ່າງປະເທດ ລາຍງານປາກົດການສຸດເລິກລັບ ທີ່ເກີດຂື້ນເທິງດວງອາທິດ ຫລັງຈາກຍານອາວະກາດ ພາຍໃຕ້ສັງກັດ ອົງການບໍລິການການບິນ ແລະ ອາວະກາດ ຫລື ‘ນາຊ່າ’ ຈັບພາບຮ່ອງຮອຍສີດຳຂະໜາດໃຫຍ່ເອົາໄວ້ໄດ້
ໂດຍຫລ້າສຸດ ‘ນາຊ່າ’ ໄດ້ອອກມາຊີ້ແຈງເຖິງກໍລະນີດັ່ງກ່າວ ເພື່ອບໍ່ໃຫ້ເກີດຄວາມແຕກຕື່ນ ແລະ ຄາດເດົາໄປເຖິງສາເຫດຕ່າງໆ ນາໆ ພ້ອມທັງລະບຸວ່າ ໃນພາບສະແດງໃຫ້ເຫັນລັງສີອັນຕຣ້າໄວໂອເຣດ ຊຶ່ງບໍ່ເຮັດໃຫ້ເກີດອັນຕະລາຍຕໍ່ມະນຸດ
ຮ່ອງຮອຍທີ່ປາກົດຂຶ້ນນັ້ນ ສົ່ງຜົນກະທົບຕໍ່ການປະຕິບັດຫນ້າທີ່ໃນອາວະກາດ ເນື່ອງຈາກເປັນສິ່ງທີ່ເຂົ້າມາລົບກວນສັນຍານວິທະຍຸ ແລະ ການສື່ສານຜ່ານດາວທຽມ
ນອກຈາກນີ້ ຜົນກະທົບນ້ອຍໆ ທີ່ສົ່ງມາເຖິງໂລກ ຄື ການເກີດປາກົດການແສງເໜືອທົ່ວໂລກ ທັງຍັງມີຜົນກະທົບຕໍ່ຊັ້ນບັນຍາກາດເທິງໂລກອີກດ້ວຍ ລວມເຖິງ ແສງອໍໂລລ່າ ຫລືແສງເທິງທ້ອງຟ້າໃນຍາມກາງຄືນ ບໍລິເວນແຖບຂົ້ວໂລກ