ສຳນັກຂ່າວຕ່າງປະເທດ ລາຍງານໃນວັນທີ 18 ຕຸລາຜ່ານມານີ້ວ່າ ພາຍຸໄດ້ຝຸ່ນຄັອບປຸ ໄດ້ພັດຖະຫລົ່ມເຂົ້າຊາຍຝັ່ງທາງດ້ານຕາເວັນອອກສຽງເໜືອ ຂອງປະເທດຟິລິບປິນ ສົ່ງຜົນເຮັດໃຫ້ເຮືອນຊານ ແລະ ພື້ນຖານໂຄງລ່າງເສຍຫາຍ ກະທົບຕໍ່ປະຊາຊົນນັບໝື່ນຄົນບໍ່ມີທີ່ຢູ່ອາໄສ ໂດຍມີລາຍງານພົບຜູ້ເສຍຊີວິດແລ້ວ 2 ຄົນ.
ທັງນີ້ແຮງພາຍຸໄດ້ເຮັດໃຫ້ຝົນຕົກລົງມາຢ່າງໜັກ ກໍ່ໃຫ້ເກີດມີນ້ຳຖ້ວມ, ຖະໜົນ ແລະ ຂົວຫລາຍແຫ່ງເສຍຫາຍ ເຮັດໃຫ້ເຈົ້າໜ້າທີ່ຂອງລັດ ຕ້ອງສັ່ງລະງົບການຂົນສົ່ງທັງທາງບົກ ແລະ ທາງນ້ຳ ແລະ ງົດຖ້ຽວບິນລວມ 30 ກ່ວາຖ້ຽວ.