spot_img
Homeຂ່າວພາຍ​ໃນຈະຂະຫຍາຍອາຄານຜູ້ໂດຍສານ ສະໜາມບິນສາກົນວັດໄຕ ຮອງຮັບປະຊາຄົມອາຊຽນ

ຈະຂະຫຍາຍອາຄານຜູ້ໂດຍສານ ສະໜາມບິນສາກົນວັດໄຕ ຮອງຮັບປະຊາຄົມອາຊຽນ

Published on

runway

ພິທີລົງນາມໂຄງການປັບປຸງ ແລະ ຂະຫຍາຍສະໜາມບິນສາກົນວັດໄຕ ນະຄອນຫລວງວຽງຈັນ ໂດຍນໍາໃຊ້ເງິນກູ້ຢືມຈາກລັດຖະບານຍີປຸ່ນມີມູນຄ່າຫລາຍກວ່າ 61 ລ້ານໂດລາສະຫະລັດ ລະຫວ່າງທ່ານ ຢາກົວ ລໍປາງກາວ ຫົວໜ້າກົມການບິນພົນລະເຮືອນ, ກະຊວງໂຍທາທິການ ແລະ ຂົນສົ່ງ ແລະ ທ່ານ ໄຮດີໂອ ມັດຊູໂມໂຕ ຜູ້ຕາງໜ້າບໍລິສັດ ຮາຊາມາ ເອນໂດ ຄໍປໍເຣຊັນປະເທດຢີ່ປຸ່ນ, ໄດ້ມີຂຶ້ນເມື່ອບໍ່ດົນນີ້, ທີ່ນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານລັດຖະມົນຕີວ່າການກະຊວງໂຍທາທິການ ແລະ ຂົນສົ່ງ ດຣ ບຸນຈັນ ສີນທະວົງ.

ທ່ານຫົວໜ້າກົມການບິນພົນລະເຮືອນໃຫ້ຮູ້ວ່າ: ໂຄງການດັ່ງກ່າວຈະເລີ່ມລົງມືຈັດຕັ້ງປະຕິບັດໃນໄວໆນີ້, ເຊິ່ງປະກອບມີການກໍ່ສ້າງອາຄານຜູ້ໂດຍສານພາຍໃນ ແລະ ຂະຫຍາຍອາຄານຜູ້ໂດຍສານສາກົນ, ຂະຫຍາຍສະຖານ ທີ່ຈອດລົດ, ເສັ້ນທາງເຂົ້າ-ອອກສະໜາມບິນ ແລະ ປັບປຸງສິ່ງອໍານວຍຄວາມສະດວກອື່ນໆໃຫ້ມີມາດຕະຖານ ແລະ ດີຂຶ້ນກວ່າເກົ່າ, ເພື່ອຮອງຮັບຜູ້ໂດຍສານ, ພາຍຫລັງການເຂົ້າເປັນປະຊາຄົມເສດຖະກິດອາຊຽນ, ເຊິ່ງຄາດຄະເນວ່າຈະສໍາເລັດການກໍ່ສ້າງໃນໄລຍະ 32 ເດືອນ.

ຫົວໜ້າກົມດັ່ງກ່າວໃຫ້ຮູ້ວ່າ: ໃນຜ່ານມາໂດຍສັງເກດເຫັນວ່າ ມີຜູ້ໂດຍສານເດີນທາງເຂົ້າ-ອອກຜ່ານສະໜາມບິນສາກົນວັດໄຕເພີ່ມຂຶ້ນເລື້ອຍໆຄື ໃນປີ 2011 ມີປະມານ 6 ແສນຄົນ ແລະ ຮອດປີ 2014 ໄດ້ເພີ່ມຂຶ້ນຫລາຍກວ່າ 1 ລ້ານຄົນ ແລະ ຄາດວ່າຈະເພີ່ມຂຶ້ນເຖິງ 2,8 ຫາ 3 ລ້ານຄົນໃນຫລາຍປີຂ້າງໜ້າ, ພາຍຫລັງມີການເປີດຕະຫລາດການບີນດຽວໃນອາຊຽນໃນທ້າຍປີ 2015 ນີ້. 

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...