ສຳນັກຂ່າວຕ່າງປະເທດໃນວັນທີ 12 ຕຸລານີ້ວ່າ ທາງການອີຣັກຢືນຢັນໄດ້ປະຕິບັດການໂຈມຕີທາງອາກາດດ້ວຍເຮືອບິນສຸ້ຮົບຂອງຕົນ ສັງຫານແກນນຳລະດັບສູງຂອງກຸ່ມລັດອິດສະລາມ ຫລື ໄອເອັສ ເສຍຊີວິດຢ່າງໜ້ອຍ 8 ຄົນ ໃນຂະນະທີ່ກຳລັງເດີນທາງເພື່ອເຂົ້າຮ່ວມກອງປະຊຸມປຶກສາຫາລື ທີ່ເມືອງແຫ່ງໜຶ່ງທາງພາກຕາເວັນຕົກຂອງອີຣັກ ຊຶ່ງຂະບວນລົດທີ່ຖືກໂຈມຕີນີ້ມີ ທ່ານ ອາບູບາກາ ອັນ-ບັກດາດີ ແກນນຳສູງສຸດຂອງກຸ່ມລັດອິດສະລາມເດີນທາງມານຳ ແຕ່ຜູ້ກ່ຽວສາມາດຫລົບໜີຈາກການສັງຫານໄດ້.

ແນວໃດກໍຕາມ, ກຸ່ມລັດອິດສະລາມໄດ້ອອກມາລະບຸຜ່ານສື່ສັງຄົມອອນລາຍວ່າ ເຫດການດັ່ງກ່າວນີ້ເປັນພຽງການປ່ອຍຂ່າວລືເທົ່ານັ້ນ ໂດຍກອງທັບສະຫະລັດອາເມຣິກາເອງກໍຍັງບໍ່ສາມາດຢືນຢັນໄດ້ວ່າ ການລາຍງານຂອງກອງທັບອີຣັກແມ່ນມີມູນຄວາມຈິງ ຫລື ບໍ່.