ກຸ່ມຕິດອາວຸດໃນປະເທດເຍແມນຍິງຈະຫລວດຖະຫລົ່ມໂຮງແຮມ ໃນເມືອງເອເດນ ຊຶ່ງໃຊ້ເປັນທີ່ເຮັດວຽກຂອງນາຍົກລັດຖະມົນຕຣີເຍແມນ ແລະ ກອງທັບພັນທະມິດນານາຊາດ ຫລ້າສຸດໄດ້ຮັບການຢືນຢັນແລ້ວວ່ານາຍົກບໍ່ໄດ້ຮັບບາດເຈັບ…
ສຳນັກຂ່າວຕ່າງປະເທດລາຍງານວ່າ ເມື່ອວັນທີ່ 6 ຕຸລາ ກຸ່ມຕິດອາວຸດຍິງຈະຫລວດໂຈມຕີໂຮງແຮມອັນຄາຊໍໃນເມືອງເອເດນ ເມືອງທີ່ຕິດກັບທະເລທາງພາກໃຕ້ຂອງປະເທດເຍແມນ ຊຶ່ງຖືກໃຊ້ເປັນສະຖານທີ່ເຮັດວຽກຂອງ ນາຍົກລັດຖະມົນຕຣີ ຄາລີດ ບາຮາ ແລະ ລັດຖະບານເຍແມນ ແຕ່ໂຄສົກລັດຖະບານເຍແມນຢືນຢັນວ່າ ນາຍົກສາມາດຫລົບໜີອອກມາໄດ້ໂດຍບໍ່ໄດ້ຮັບບາດເຈັບ