ລາຍງານຈາກ ທີມງານອາສາສະໝັກ ກູ້ໄພ ມູນນິທິຊ່ວຍເຫຼືອຄົນທຸກຍາກແຫ່ງ ສປປລາວ ວ່າ ວັນທີ 6 ຕຸລາ 2015 ເວລາ 12:50 ນາທີ ໄດ້ຮັບແຈ້ງເຫດ ວ່າມີໄວລຸ້ນເກີດອຸບັດເຫດບາດເຈັບ ບໍລິເວນບ້ານ ຫົວຂົວ ເມືອງໄຊເສດຖາ ນະຄອນຫຼວງວຽງຈັນ. ເມື່ອໄປເຖິງພົບໄວລຸ້ນຊາຍ 2 ຄົນ ອາຍຸລະຫວ່າງ 13-15 ປີ ມີອາການບາດເຈັບທີ່ໃບໜ້າ, ແຂນ, ຫົວເຂົ່າ ແລະຫົວ.
ຈາກການບອກເລົ່າຂອງຜູ້ເຫັນເຫດການ ບອກວ່າ ທັງ 2 ຂັບລົດຈັກທັງໄວ, ສົ່ງສຽງດັງ, ມັກຍົກລໍ້ ແລະທີ່ເກີດເຫດຄັ້ງນີ້ ຄົງເປັນຍ້ອນຄວາມຜິດພາດ ໂຊກຍັງດີວ່າບໍ່ໄປຕຳເອົາໃຜໃຫ້ໄດ້ຮັບບາດເຈັບ ແລະ ສ້າງຄວາມເດືອດອຮ້ອນຂຶ້ນຕື່ມ.
ຂ່າວຈາກ: ນາທີຊີວິດ