ສຳນັກຂ່າວຕ່າງປະເທດ ລາຍງານໃນວັນທີ 16 ກັນຍານີ້ວ່າ ລັດຖະບານອົດສະຕາລີ ໄດ້ອອກມາຢືນຢັນ ກອງກຳລັງທະຫານຂອງຕົນໄດ້ເປີດສາກສົ່ງເຮືອບິນສູ້ຮົບ ເຂົ້າໂຈມຕີທາງອາກາດໃສ່ເປົ້າໝາຍກຸ່ມລັດອິດສະລາມ ຫລື ໄອເອັສ ຢູ່ປະເທດຊີຣີເປັນເທື່ອທຳອິດ ໃນຖານະທີ່ອົດສະຕາລີເປັນສ່ວນໜຶ່ງຂອງກອງກຳລັງພັນທະມິດ ທີ່ນຳໂດຍສະຫະລັດອາເມຣິກາ ດຳນີນການໂຈມຕີໃສ່ຖານທີ່ໝັ້ນຂອງກຸ່ມໄອເອັສທັງໃນຊີຣີ ແລະ ປະເທດອີຣັກ.
ທັງນີ້ ໃນໄລຍະ 12 ເດືອນຜ່ານມາ ກອງກຳລັງຂອງອົດສະຕາລີເອງ ກໍໄດ້ມີສ່ວນຮ່ວມໃນການສົ່ງເຮືອບິນເຂົ້າບຸກໂຈມຕີກຸ່ມລັດອິດສະລາມຢູ່ປະເທດອີຣັກມາແລ້ວ.