spot_img
Homeຂ່າວການສຶກສາ ໂຮງຮຽນທົ່ວເມືອງຫີນບູນ ໄຂສົກຮຽນໃໝ່ຕາມແຜນ

ໂຮງຮຽນທົ່ວເມືອງຫີນບູນ ໄຂສົກຮຽນໃໝ່ຕາມແຜນ

Published on

08

ຂປລ. ວັນທີ 3 ກັນຍາ 2015 ທ່ານ ສະຫວັດ ໄຟມະສານ ຫົວໜ້າຫ້ອງການ ສຶກສາທິການ ແລະ ກິລາ ປະຈໍາເມືອງຫີນບູນ ແຂວງຄຳມ່ວນ ໄດ້ລາຍງານ ສະພາບ ໂດຍລວມ ກ່ຽວກັບ ການໄຂສົກຮຽນໃໝ່ ວ່າ: ສົກຮຽນນີ້ ບັນດາໂຮງຮຽນແຫ່ງຕ່າງໆ ໃນທົ່ວເມືອງ ແມ່ນມີຄວາມພ້ອມ ໂດຍພື້ນຖານ ທາງດ້ານ ອາຄານຮຽນ, ສື່ການສອນ ແລະ ອຸປະກອນ ຮັບໃຊ້ ການສິດສອນອື່ນໆ, ຕະຫລອດເຖິງ ພະນັກງານຄູສອນ​ໂດຍໄດ້​​ໄຂສົກຮຽນໃໝ່ ໃນວັນທີ 1 ກັນຍາ 2015 ຕາມ​ແຜນການ ​ທີ່ພະ​ແນ​ກສຶກສາ ​ທິການ ​ແລະ ກິລາ​ ວາງ​ອອກ, ​ເຊິ່ງທົ່ວເມືອງ ມີໂຮງຮຽນປະຖົມ 102 ແຫ່ງ, ມັດທະຍົມ 15 ແຫ່ງ ແລະ ອະນຸບານ 18 ແຫ່ງ.

ສຳລັບແຜນພັດທະນາ ການສຶກສາ ປະຈໍາສົກຮຽນ 2015 -2016 ​ຈະຂະຫຍາຍ ຫ້ອງກຽມປະຖົມ ໃຫ້ໄດ້ 1 ແຫ່ງ; ຂະຫຍາຍໂຮງຮຽນ ອະນຸບານ ໃຫ້ໄດ້ 4 ແຫ່ງ, ເດັກອາຍຸ 3-5 ປີ ຕ້ອງໄດ້ເຂົ້າຮຽນ ອະນຸບານ ຫລື ຫ້ອງກຽມ ຕາມບ່ອນມີເງື່ອນໄຂ; ອັດຕາເຂົ້າຮຽນ ສຸດທິຊັ້ນປະຖົມ ໃຫ້ໄດ້ 98%; ອັດຕາຄ້າງຫ້ອງ ຊັ້ນປະຖົມ ໃຫ້ຫລຸດລົງຍັງເຫລືອພຽງ 4%; ອັດຕາການປະລະ ໃຫ້ຍັງເຫລືອ 3%; ຄາດໝາຍ ຜົນການສອບເສັງ ເລື່ອນຂັ້ນ ແລະ ຈົບຊັ້ນປະຖົມ ໃຫ້ໄດ້ 95%; ເພີ່ມອັດຕາ ການເຂົ້າຮຽນ ຊັ້ນມັດທະຍົມ ຕອນຕົ້ນ ໃຫ້ໄດ້ 60%; ອັດຕາ ເຂົ້າຮຽນຊັ້ນມັດທະຍົມ ຕອນປາຍ ໃຫ້ໄດ້ 43%; ຫລຸດຜ່ອນ ອັດຕາປະລະ ການຮຽນ ໃນຊັ້ນມັດທະຍົມ ຕອນຕົ້ນ ໃຫ້ຍັງເຫລືອ 5% ແລະ ມັດທະຍົມ ຕອນປາຍ ໃຫ້ຍັງເຫລືອ 2%.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...