Homeຂ່າວການພັດທະນາສະຫວັນນະເຂດ ສ້າງບ້ານກະສິກຳພັດທະນາ ບ້ານທຳອິດຂອງປະເທດ!

ສະຫວັນນະເຂດ ສ້າງບ້ານກະສິກຳພັດທະນາ ບ້ານທຳອິດຂອງປະເທດ!

Published on

255

ຂປລ. ​ແຂວງ​ສະຫວັນ​ນະ​ເຂດ ປະສົບ​ຜົນສຳ​ເລັດ ​ການສ້າງ​ບ້ານ​ທວດ​ ເປັນ​ບ້ານກະສິກຳ ​ພັດທະນາ​ ​ທຳ​ອິດຂອງ​ ແຂວງ ​ແລະ ຂອງ​ປະ​ເທດ ຫລັງ​ປະຊາຊົນ ບ້ານດັ່ງກ່າວ ໄດ້ຫັນຈາກອັນເກົ່າ ໄປສູ່ອັນໃໝ່ ​ແລະ ຜະລິ​ດ ​ເປັນ​ສິນຄ້າ ສາມາດສ້າງລາຍຮັບ ໃຫ້ຄອບຄົວ ໄດ້ຫລາຍສິບ ລ້ານກີບຕໍ່ປີ.

ຮອງນາຍບ້ານໆທວດ ກ່າວ​ໃນ​ພິທີ ​ປະກາດ​ບ້ານ​ຂອງ​ຕົນ ​ເປັນ​ບ້ານ​ພັດທະນາ​ ກະສິກຳ ​ທີ່​ຈັດ​ຂຶ້ນ​ ເມື່ອ​ບໍ່​ດົນ​ ນີ້​ໂດຍ​ທ່ານ ວິ​ໄລ​ວັນ ພົມ​ເຂ ລັດຖະມົນຕີ​ ວ່າການ ​ກະຊວງ​ກະສິກຳ ​ແລະ ປ່າ ​ໄມ້ ​ເຂົາຮ່ວມວ່າ: ເມື່ອກ່ອນ ຊີວິດການເປັນຢູ່ຂອງປະຊາຊົນ ທຸກຍາກລຳບາກ, ອຶດເຂົ້າກິນ, ​ແຕຫລັງພັກ-ລັດ ໄດ້ລົງທຶນກວ່າ 82 ຕື້​ກີບ ສ້າງຊົນລະປະທານອ່າງເກັບນ້ຳ ທີ່ສາມາດ ກັກເກັບນ້ຳ ໄດ້ 13 ລ້ານກວ່າເມັດກ້ອນ ສາມາດຫົດເນື້ອທີ່ ປູກເຂົ້າໄດ້ 500 ກວ່າເຮັກຕາ ແລະ ການ​ປູກພືດ ລະດູແລ້ງ 400 ກວ່າເຮັກຕາ, ປະຊາຊົນ ​ກໍ​ໄດ້ຫັນມາຜະລິດ ທັງລະດູຝົນ ແລະ ລະດູແລ້ງ ເຮັດໃຫ້ຊີວິດການຢູ່ ປ່ຽນແປງຫລາຍຂຶ້ນ ຈາກທຸກຍາກ ຍ້ອນບໍ່ມີເຂົ້າກິນ ກໍມີເຂົ້າກຸ້ມກິນ ແລະ ແຮໄວ້, ຜູ້ເຮັດຫລາຍ ກໍຂາຍຜົນຜະລິດ ສ້າງລາຍຮັບເສີມ ໃຫ້ຄອບຄົວ​ ໂດຍປັດຈຸບັນ ມີຄອບຄົວ ຜະລິດກະສິກຳ 282 ຄອບຄົວ ​ແລະ ໄດ້ຈັດຕັ້ງກຸ່ມຜະລິດຄື ກຸ່ມປູກ ກຸ່ມລ້ຽງ​ ທັງນຳໃຊ້ກົນຈັກ ເຂົ້າສູ່ການຜະລິດ ​ແລະ ແນວພັນເຂົ້າ ປັບປຸງ 100%, ຂະຫຍາຍເນື້ອທີ່ ນາໄຮ່ນ້ອຍ ເປັນໄຮ່ໃຫຍ່ ​ເຮັດ​ໃຫ້​ບັນລຸ​ ສະມັດຖະພາບ ຜົນຜະລິດເຂົ້າ ນາປີສະ​ເລ່ຍ 4,2 ໂຕນ/ເຮັກຕາ ​ແລະ ນາແຊງ 4,8 ໂຕນ/ເຮັກຕາ.

ຮອງນາຍບ້ານ ດັ່ງກ່າວ ​ເປີດ​ເຜີຍຕື່ມວ່າ: ໂດຍອີງໃສ່ ເງື່ອນໄຂມາດຖານ ຕົວຈິງ ຂອງຄອບຄົວ ຕົວແບບ ແລະ ບ້ານພັດທະນາ ກະສິກຳນັ້ນ ສາມາດສ້າງ ເປັນຄອບຄົວຕົວແບບ ການປູກການລ້ຽງ 275 ຄອບຄົວ ຄືຕົວແບບ ຜະລິດແນວພັນເຂົ້າ ຮຸ່ນ 3 ມີ 35 ຄອບຄົວ, ຕົວແບບຍົກ ສະມັດຕະພາບເຂົ້າ 65 ຄອບຄົວ, ຕົວແບບ ຜະລິດເຂົ້າ ເປັນສິນຄ້າ 98 ຄອບຄົວ, ຕົວແບບລ້ຽງງົວ 30 ຄອບຄົວ, ຕົວແບບລ້ຽງສັດປີກ 12 ຄອບຄົວ, ບຳລຸງດິນຜະລິດ 30 ຄອບຄົວ ແລະ ຕົວແບບ ການຄຸ້ມຄອງ ນຳໃຊ້ນ້ຳ ຊົນລະປະທານ 98 ຄອບຄົວ.
ຂອບໃຈຂ່າວຈາກ:
ຂປລ

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...