ຫລັງຈາກ​ກວາດ​ລາຍ​ໄດ້​ຈາກ​ທົ່ວ​ໂລກ​ມາ​ທັງ​ໝົດ 1.27 ພັນ​ລ້ານ​ໂດລາ ແອ​ນິ​ເມ​ເຊິນ​ທີ່​ຫລາຍ​ຄົນ​​ມັກ​ກໍ່ຄື Frozen ກໍ​ກຽມ​ເກີດ​ພາກ​ຕໍ່​ນໍາມາ​ຢ່າງ​ແນ່ນອນ​ແລ້ວແລະ​ລ່າ​ສຸດ​ໜຶ່ງ​ໃນ​ທີມ​ຜູ້​ກຳ​ກັບ​ກໍ​ອອກ​ມາ​ເວົ້າ​ເຖິງ​ສິ່ງ​ທີ່​ກຳ​ລັງ​ຈະ​ເກີດ​ຂຶ້ນ​ໃຫ້​ເຮົາ​ໄດ້​ຮູ້​ກັນໂດຍ​ເມື່ອ​ວັນທີ່ 13 ສິງ​ຫາທີ່ຜ່ານມາ ເວັບ​ໄຊ  Fandango ໄດ້​ເປີດ​ເຜີຍ​ຄຳ​ໃຫ້​ສຳພາດ​ຂອງ​ຜູ້​ກຳ​ກັບ ຄຣິສ ບັດ ທີ່​ອັບ​ເດດ​ຄວາມ​ເຄື່ອນ​ໄຫວ​ນັບ​ຕັ້ງ​ແຕ່​ປະ​ກາດ​ການສ້າງ​ເມື່ອ​ເດືອນ​ມີ​ນາ 2015 ຊຶ່ງ​ເທື່ອ​ນີ້ Frozen 2 ຈະ​ເລົ່າ​ຊີວິດ​ທີ່​ມີ​ຄວາມ​ສຸກ​ກວ່າ​ເກົ່າ​ຂອງ ເອລ​ຊາ ຕໍ່​ເນື່ອງ​ຈາກ​ຮູບເງົາສັ້ນ Frozen Fever
ນອກ​ຈາກ​ນີ້​ໃນ​ການ​ໃຫ້​ສຳພາດ​ກັບ​ເວັບ​ໄຊ MTV ຜູ້​ກຳ​ກັບ ຄຣິສ ບັດ ຍັງ​ໃຫ້​ລາຍ​ລະອຽດ​ເພີ່ມເຕີມ​ວ່າ ເລື່ອງ​ລາວ​ໃນ Frozen 2 ຈະ​ສອດ​ປະ​ເດັນ​ຊຶ່ງ​ເປັນ​ທີ່​ເວົ້າ​ເຖິງ​ໃນ​ສັງຄົມໂດຍ​ອາດ​ເປັນ​ເລື່ອງ​ກ່ຽວກັບ​ຄວາມ​ສຳພັນ​ທີ່​ຄົນ​ໜຸ່ມ​ສາວ​ມັກ​ “ເຮົາ​ຈະ​ເລົ່າ​ເຖິງ​ປະ​ເດັນ​ອື່ນໆທີ່​ຂ້ອຍຄິດວ່າ​ຜູ້​ຊາຍ​ແລະ​ຜູ້ຍິງ​ຕ້ອງ​ປະເຊີນແລະ​ຂ້ອຍເບິ່ງ​ວ່າ​ມັນ​ຄື​ປະ​ເດັນ​ທີ່​ເຮົາ​ທຸກ​ຄົນ​ຮູ້ວ່າ​ມີ​ຢູ່​ແທ້ໃນ​ສັງຄົມ”

ໃນ​ຂະນະ​ນີ້​ຍັງ​ບໍ່​ຊັດເຈນ​ວ່າ​ທີມ​ໃຫ້​ສຽງ​ພາກ​ຊຸດ​ເກົ່າ​ກໍ່ຄື ໄອ​ດິ​ນາ ເມນ​ເຊລ (Idina Menzel), ຄຣິສ​ເຕນ ເບລ (Kristen Bell), ໂຈ​ນາ​ທານ ກອຟ (Jonathan Groff) ແລະ ​ຈອດ ແກດ  (Josh Gad) ຈະ​ກັບ​ມາ​ຮັບ​ຫນ້າທີ່​ເກົ່າຫລື​ບໍ່ໂດຍ​ຄ້າຍ Disney ຍັງ​ບໍ່​ປະ​ກາ​ດລາຍ​ລະອຽດ​ກ່ຽວກັບ​ກຳນົດ​ເຂົ້າ​ສາຍ​ອອກ​ມາ​ເຊັ່ນ​ກັນ