spot_img
Homeຂ່າວພາຍ​ໃນຫລາຍພາກສ່ວນຮີບຮ້ອນຊ່ວຍເຫລືອຜູ້ຖືກຜົນກະທົບໄພນ້ຳຖ້ວມຢູ່ເມືອງແບງ

ຫລາຍພາກສ່ວນຮີບຮ້ອນຊ່ວຍເຫລືອຜູ້ຖືກຜົນກະທົບໄພນ້ຳຖ້ວມຢູ່ເມືອງແບງ

Published on

wed4sep1

ທ່ານ ດວງຕາ ໄຊວຸດ ກຳມະການພັກແຂວງ, ຫົວໜ້າ ຫ້ອງວ່າການປົກຄອງແຂວງ ໄຊຍະບູລີຕາງໜ້າມູນນິທິ ຊ່ວຍເຫຼືອຄົນທຸກຍາກແລະ ຕາງຫນ້າຄອບຄົວການນຳ ແຂວງໄຊຍະບູລີໄດ້ນຳເອົາ ເຄື່ອງນຸ່ງຫົ່ມ ແລະ ເງິນຈຳ ນວນໜຶ່ງ ໄປມອບໃຫ້ຄອບຄົວທີ່ໄດ້ຮັບຜົນກະທົບຈາກ ໄພນໍ້າຖ້ວມທີ່ແຂວງອຸດົມ ໄຊ.
ພິທີມອບເຄື່ອງຊ່ວຍເຫຼືອໄດ້ຈັດຂຶ້ນໃນວັນທີ 30 ສິງຫາ ນີ້ຢູ່ທີ່ຫ້ອງວ່າການປົກຄອງ ແຂວງອຸດົມໄຊ ກ່າວມອບ ໂດຍແມ່ນທ່ານ ດວງຕາ ໄຊ ວຸດ ກຳມະການພັກແຂວງ, ຫົວໜ້າຫ້ອງວ່າການປົກຄອງ ແຂວງໄຊຍະບູລີ ແລະ ກ່າວ ຮັບໂດຍແມ່ນທ່ານ ຄຳແພງ ຈິດຕະວົງ ຮອງເລຂາພັກ ແຂວງຮອງເຈົ້າແຂວງໆອຸດົມ ໄຊ, ເຂົ້າຮ່ວມເປັນສັກຂີພິ ຍານຂອງບັນດາຄອບຄົວ ການນຳຂອງແຂວງໄຊຍະບູລີ ແລະ ພະນັກງານວິຊາການ ປົກຄອງແຂວງອຸດົມໄຊ.
ເຄື່ອງທີ່ນຳມາມອບໃນຄັ້ງນີ້ ມີ: ເຄື່ອງນຸ່ງຫົ່ມ 100 ແກັດ ມູນຄ່າ 50 ລ້ານກີບ,ພ້ອມເງິນ 10 ລ້ານກີບ, ຄອບຄົວຂອງ    ທ່ານ ເຈົ້າແຂວງ ໄດ້ລະດົມທຶນ ຈາກນັກທຸລະກິດ ແລະ ຄອບ ຄົວການນຳຂອງແຂວງ ແລະ ຕ່າງແຂວງຈຳນວນ 23 ລ້ານ ກີບມາມອບໃຫ້ແຂວງອຸດົມ ໄຊຕື່ມອີກ.
ຈາກນັ້ນທ່ານຄຳແພງ ຈິດ ຕະວົງ ຮອງເລຂາພັກແຂວງ ຮອງເຈົ້າແຂວງໆອຸດົມໄຊກໍ່ ໄດ້ຕາງໜ້າໃຫ້ການນຳຂອງ ແຂວງ ແລະ ພໍ່ແມ່ປະຊາຊົນ ບັນດາເຜົ່າທົ່ວແຂວງອຸດົມ ໄຊສະແດງຄວາມຂອບໃຈ ຄອບຄົວການນຳຂອງແຂວງ ມູນນິທິຊ່ວຍເຫລືອຄົນທຸກ ຍາກ ແລະ ບັນດາຫ້າງຮ້ານ, ນັກທຸລະກິດ, ທີ່ໄດ້ເສຍສະ ຫຼະວັດຖຸເຄື່ອງຂອງ ແລະ ເງິນ ມາມອບໃຫ້ແຂວງອຸດົມໄຊ ເພື່ອໄປມອບໃຫ້ຄອບຄົວທີ່ໄດ້ຮັບຜົນກະທົບຈາກໄພນໍ້າຖ້ວມໄຫລຊຸທັ່ງໃນຄືນວັນທີ 20-21 ສິງຫາຜ່ານມາ.
ຜ່ານມາອຳນາດການປົກ ຄອງແຂວງ ແລະ ພາກສ່ວນ ຕ່າງໆກໍ່ໄດ້ນຳເອົານ້ຳດື່ມ ນ້ຳ ໃຊ້ ແລະ ເຄື່ອງອຸປະໂພກ ບໍລິ ໂພກຈຳນວນຫນ່ຶງໄປແຈກ ຢາຍໃຫ້ປະຊາຊົນທີ່ຖືກເສຍ ຫາຍຈາກນ້ຳຖ້ວມໄຫລຊຸຄັ້ງ ນີ້ຢ່າງຕໍ່ເນື່ອງ ສາມາດຊ່ວຍ ແບ່ງເບົາຄວາມທຸກຍາກໄດ້ ຈຳນວນຫນ່ຶງ, ແຕ່ກໍ່ບໍ່ທັນ ພຽງພໍຖ້າທຽບໃສ່ຄວາມສູນ ເສຍອັນມະຫາສານຈາກໄພ ທຳມະຊາດຄັ້ງນີ້, ເປັນຕົ້ນ ແມ່ນຊີວິດອິນຊີ, ເຮືອນຊານ ເລົ້າເຂົ້າ, ຜົນລະປູກ, ໄຮ່ນາ ຮົ້ວສວນຖືກນ້ຳພັດ ແລະ ຖືກ ທັບຖົມດ້ວຍດິນຊາຍ ແລະ ກ້ອນຫີນນ້ອຍ-ໃຫຍ່, ບໍ່ຮູ້ວ່າ ຈະໃຊ້ເວລາຫລາຍປານໃດ ຈ່ິງຈະຟື້ນຟູສະພາບດ່ັງກ່າວ ຄືນສູ່ປົກກະຕິ

ທີ່ມາhttp://www.kongthap.gov.la

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...