ທຸກຄົນຄົງຄິດວ່າການສີແຂ້ວຢ່າງດຽວກໍພຽງພໍແລ້ວໃນແຕ່ລະມື້ແຕ່ຄວາມເປັນຈິງກໍຄືການສີແຂ້ວອາດຊ່ວຍເບິ່ງແຍງຊ່ອງປາກໄດ້ພຽງ25%ເທົ່ານັ້ນເພາະຜິວແຂ້ວເປັນພຽງ25%ຂອງພື້ນຜິວທັງໝົດໃນຊ່ອງປາກ ຊຶ່ງແບກທີເລຍອາໄສຢູ່ທຸກຊອກທຸກມຸມ ແລ້ວຮູ້ບໍ່? ຊ່ອງປາກຂອງເຮົາມີແບກທີເລຍອາໄສຢູ່ເປັນລ້ານໆຕົວ ຫລາຍກວ່າຈຳນວນຄົນເທິງໂລກນີ້ອີກ ຊຶ່ງເຮືອນຂອງແບກທີເລຍມີຊື່ວ່າໄບໂອຟິມນັ້ນເອງ ມາທຳຄວາມຮູ້ຈັກ ໄບໂອຟິມ ກັນດີກວ່າ…
ໄບໂອຟິມຈະຢູ່ເທິງຜິວແຂ້ວຂອງເຮົາທຸກຄົນເລິມທຳອິດຈະເປັນຊັ້ນບາງໆເບິ່ງດ້ວຍຕາເປົ່າບໍ່ເຫັນ ຈົນເວລາຜ່ານໄປແບກທີເລຍຈະເລີ່ມສະສົມຫລາຍຂຶ້ນຈົນກາຍເປັນແຜ່ນໜາຂຶ້ນລັກສະນະເປັນຄາບສີຂາວຫລືສີເຫລືອງອ່ອນເກາະຢູ່ເທິງຜິວແຂ້ວຈົນເຮົາສາມາດເບິ່ງເຫັນດ້ວຍຕາເປົ່າໄດ້ເລີຍ
ໄບໂອຟິມທີ່ສະສົມດົນໆຈະສົ່ງຜົນເສຍແນວໃດ??
ໄບໂອຟິມທີ່ສະສົມດົນເກີນ 24 ຊົ່ວໂມງ ຈະສົ່ງຜົນເສຍຕໍ່ສຸກຂະພາບຊ່ອງປາກ ກໍ່ໃຫ້ເກີດພະຍາດຕ່າງໆໄດ້ແກ່ພະຍາດແຂ້ວແມງເຫືອກ, ພະຍາດລຳມະນາດລວມເຖິງກິ່ນປາກ
3 ວິທີ ຈັດການໄບໂອຟິມແບບງ່າຍໆ
1. ສີແຂ້ວຢ່າງນ້ອຍມື້ລະ 2 ຄັ້ງແລະຄວນໃຊ້ເວລາໃນການສີແຂ້ວບໍ່ຕ່ຳກວ່າ 2 ນາທີເພື່ອຄວາມສະອາດຂອງແຂ້ວທຸກເລັ້ມແລ້ວຕ້ອງສີໃຫ້ຖືກວິທີ
2. ໃຊ້ໄໝຂັດແຂ້ວຢ່າງນ້ອຍມື້ລະ 1 ຄັ້ງເພື່ອເຮັດຄວາມສະອາດທຸກຊອກແຂ້ວ
3. ໃຊ້ນ້ຳຢາບ້ວນປາກຫລັງການສີແຂ້ວຄວນເລືອກຊະນິດທີ່ມີສານແອນຕີ້ແບກທີເລຍທີ່ມີປະສິດທິພາບ ເຊັ່ນ ນ້ຳມັນສະກັດຈາກທຳມະຊາດ ເພື່ອຊ່ວຍລຸດການສະສົມຂອງໄບໂອຟິມທີ່ຫລົງເຫລືອຢູ່ຫລັງຈາກການສີແຂ້ວຄວາມແຫລວຂອງນ້ຳຢາບ້ວນປາກສາມາດທຳຄວາມສະອາດໄດ້ທົ່ວທັງປາກ ໂດຍສະເພາະໃນສ່ວນທີ່ການສີແຂ້ວເຂົ້າບໍ່ຖຶງ