ຫລາຍຄົນມັກບໍ່ຊິນເວລາຕ້ອງຂັບລົດຖອຍຫລັງຫລືລະແວງກະໄລຍະຫ່າງບໍ່ຖືກເວລາຖອຍ
ເຂົ້າບ່ອນຈອດເພາະຄຸ້ນເຄີຍແຕ່ໄປໜ້າລ້ຽວຊ້າຍລ້ຽວຂວາ ຈົນລືມໄປວ່າການຂັບລົດຖອຍຫລັງກໍສຳຄັນບໍ່ແພ້ກັນ ທັງອາດເຮັດໃຫ້ເກີດອຸບັດເຫດໄດ້ງ່າຍກວ່າຂັບໄປໜ້າເສຍອີກມາຮູ້ວິທີຂັບລົດຖອຍຫລັງໃຫ້ຖືກແລະເທັກນິກງ່າຍໆ ທີ່ໄດ້ຈາກການສັງເກດ
– ຂັບລົດຖອຍຫລັງນັ້ນ ຄວນກະທຳໃນຂະນະທີ່ຄວາມໄວຕ່ຳແລະຂັບຊ້າໆ ຊຶ່ງຈະເຮັດໃຫ້ການໝຸນພວງມາໄລໄດ້ຜົນດີີ
– ຂະນະທີ່ຈະໝຸນພວງມາໄລ ຄວນໃຫ້ລົດມີການເຄື່ອນທີ່ນິດໜ່ອຍເພາະຈະຊ່ວຍລຸດການຮຸກຖູ ລະຫວ່າງຢາງລົດກັບພື້ນຫົນທາງ
– ຫລັກການຖອຍຫລັງ ມີຢູ່ວ່າຕ້ອງການໃຫ້ທ້າຍຂອງລົດຫັນໄປທາງໃດກໍໃຫ້ໝຸນພວງມາໄລໄປທາງນັ້ນ ເຊັ່ນ ຕ້ອງການໃຫ້ທ້າຍລົດລ້ຽວໄປທາງຊ້າຍ ກໍໃຫ້ໝຸນພວງມາໄລໄປດ້ານຊ້າຍ ແລະຖ້າຕ້ອງການໃຫ້ທ້າຍລົດລ້ຽວໄປທາງຂວາ ກໍໝຸນພວງມາໄລໄປທາງດ້ານຂວາ
– ໃນຂະນະທີ່ເຈົ້າຈະຖອຍຫລັງ ຫາກຢູ່ໃນພາວະຂັບຂັນການຈະລາຈອນແອອັດຄວນເປີດສັນຍານໄຟ ແລະສັງເກດລົດທີ່ຜ່ານໄປມາທັງດ້ານໜ້າຫລັງ ຊ້າຍຂວາວ່າພົ້ນໄລຍະໃນການຫັກວົງລ້ຽວຂອງລົດເຮົາຫລື ບໍ່
– ການຖິ້ມຊ່ວງຫ່າງລະຫວ່າງທ້າຍລົດກັບກຳແພງດ້ານຫລັງ ຫລາຍຄັ້ງທີ່ເຮົາມັກຈະກະໄລຍະບໍ່ຖືກເນື່ອງຈາກບໍ່ກ້າຖອຍ ຢ້ານທ້າຍຈະຕຳໂດຍສະເພາະໃນເວລາກາງຄືນລອງໃຊ້ວິທີແຕະເບກເພື່ອຊ່ວຍ ແລ້ວສັງເກດແສງໄຟທ້າຍ