ໄລຍະລະດູຝົນນີ້ສາຍຝົນໂປຍປາຍລົງມາບໍ່ເວັ້ນແຕ່ລະມື້ ເຮັດເອົາເຈົ້າສາວໆຫລາຍຄົນຕ້ອງເຈີກັບສາຍຝົນທີ່ຕົກລົງມາແບບບໍ່ທັນໄດ້ຕັ້ງຕົວ ເຮັດໃຫ້ເສື້ອຜ້າໜ້າຜົມ ໂດຍສະເພາະກະເປົ໋າລາຄາແພງ ຕ້ອງປຽກເພາະນ້ຳຝົນໄປຕາມໆກັນ ທັງນີ້ສຳລັບໃຜທີ່ບໍ່ຢາກເຈີບັນຫາແບບນີ້ໄດ້ເວລາກຽມຕົວເອງໃຫ້ພ້ອມສຳລັບລະດູຝົນກັນແລ້ວ ຊຶ່ງອັນດັບທຳອິດເລີຍກໍຄືການປ່ຽນກະເປົ໋າໃຫ້ເໝາະສຳລັບລະດູຝົນກັນກ່ອນ ໂດຍຊ່ວງນີ້ກະເປົ໋າທີ່ສາວໆຄວນພົກຕິດຕົວຄວນຈະຕ້ອງເປັນ “ກະເປົ໋າກັນນ້ຳ” ເທົ່ານັ້ນ ເພາະກະເປົ໋າກັນນ້ຳຈະຊ່ວຍປົກປ້ອງຂອງສຳຄັນຂອງເຈົ້າບໍ່ໃຫ້ປຽກນ້ຳໄດ້ດີ
ທັງນີ້ກະເປົ໋າກັນນ້ຳສ່ວນໃຫຍ່ມັກຈະເປັນກະເປົ໋າທີ່ເຮັດຈາກພາສສະຕິກ ເພາະຈະເປັນວັດດຸທີ່ກັນນ້ຳແລະຄວາມຊື້ນໄດ້ ຊຶ່ງປະຈຸບັນນີ້ກໍມີຫລາຍຮູບແບບສວຍງາມໃຫ້ສາວໆໄດ້ເລືອກໃຊ້ກັນຫລວງຫລາຍ ວ່າແຕ່ຊ່ວງນີ້ຈະມີແບບໃດທີ່ກຳລັງອິນເທນກັນ ມື້ນີ້ລາວໂພສມີແຟຊັ່ນມາໃຫ້ສາວໆ ໄດ້ເບີ່ງກັນ
