spot_img
Homeຂ່າວພາຍ​ໃນຕຳຫຼວດຈັບຄົນຫວຽດນາມ ເຮັດນ້ຳດື່ມກາຫົວເສືອປອມ

ຕຳຫຼວດຈັບຄົນຫວຽດນາມ ເຮັດນ້ຳດື່ມກາຫົວເສືອປອມ

Published on

ຂປລ. ພາຍຫລັງມີກະແສຂ່າວອອກທາງສື່ອອນລາຍ ກ່ຽວກັບການບຸກຈັບຜູ້ຜະລິດນໍ້າດື່ມກາຫົວເສືອປອມ ໄດ້ພ້ອມຂອງການໃນຕອນເຊົ້າໃນວັນທີ 27 ກໍລະກົດ 2015, ຕໍ່ມາບັນດານັກຂ່າວໄດ້ໂທລະສັບຫາເຈົ້າໜ້າທີ່ກ່ຽວຂ້ອງ ເພື່ອຄວາມກະຈ່າງແຈ້ງ ແລະ ລະອຽດຜົນປະກົດວ່າ: ເຈົ້າໜ້າຕໍາຫລວດຢືນຢັນວ່າແມ່ນເລື່ອງແທ້ ແຕ່ບໍ່ສາມາດບອກໄດ້ວ່າສະຖານທີ່ເກີດຢູ່ບ່ອນໃດ? ແລະ ເກີດຂຶ້ນມື້ໃດກັນແທ້? ເພາະເຈົ້າໜ້າທີ່ຕໍາຫລວດບອກເຫດຜົນພຽງວ່າ ການຈັບກຸມຜູ້ຜະລິດນໍ້າດື່ມຫົວເສືອປອມຄັ້ງນີ້ ແມ່ນກຸ່ມນ້ອຍໆ ແຕ່ຍັງຕ້ອງການຫົວໜ້າຂອງໂຮງງານໃຫຍ່ໆ ສະນັ້ນຖ້າເຈົ້າໜ້າທີ່ຕໍາຫລວດເປີດເຜີຍຂໍ້ມູນລ່ວງໜ້າຈະເຮັດໃຫ້ເສຍຮູບຄະດີ ຫລື ເສຍຄວາມລັບ. 

      ແຫລ່ງຂ່າວຈາກເຈົ້າໜ້າທີ່ຍັງບອກວ່າກຸ່ມຜະລິດນໍ້າດື່ມຫົວເສືອປອມແມ່ນຄົນປະເທດສົມທົບກັບຄົນພາຍໃນໂດຍມີວິທີການວາງແຜນເປັນລະບົບຄົບຊຸດ ສະນັ້ນ ເຈົ້າໜ້າທີ່ຕໍາຫລວດຮຽກຮ້ອງໃຫ້ພໍ່ແມ່ປະຊາຊົນເພີ່ມຄວາມລະມັດລະວັງ ແລະ ເປັນຫູເປັນຕາຊ່ວຍພັກຊ່ວຍລັດເພື່ອແຈ້ງເບາະແສຕ່າງໆທີ່ເກີດຂຶ້ນໂດຍສະເພາະປະກົດການຫຍໍ້ທໍ້ໃນສັງຄົມ ປັດຈຸບັນນີ້ບັນຫາການຫລິ້ນກິນຟູມເຟືອຍ, ຄ້າຂາຍຢາເສບຕິດ, ການຄ້າຂາຍສິນຄ້າຜິດກົດໝາຍ, ການປຸ້ນການຈີ້ບວກກັບເສດຖະກິດມີບັນຫາຍິ່ງເປັນຊ່ອງທາງເຮັດໃຫ້ບັນຫາດັ່ງກ່າວເກີດຂຶ້ນໄດ້ງ່າຍ.

ໃນຂະນະທີ່ແຫຼ່ງຂ່າວລັບຂອງລາວໂພສຕ໌ ແຈ້ງວ່າການຈັບກຸມກຸ່ມຄົນປອມນ້ຳດື່ມກາຫົວເສືອ ມີຂຶ້ນທີ່ເຮືອນຫຼັງໜຶ່ງທີ່ບ້ານໂນນຫວາຍ ເມືອງໄຊເຊດຖາ ນະຄອນຫຼວງວຽງຈັນ ແລະກຸ່ມຄົນບໍ່ດີແມ່ນຄົນຫວຽດນາມ ແຕ່ຍັງບໍ່ໄດ້ຮັບລາຍງານຊື່ແລະນາມສະກຸນພວກກ່ຽວເທື່ອ.

ໃນຂະນະທີ່ມື້ນີ້ ວັນທີ 27 ກໍລະກົດ 2015 ທີມການຕະຫຼາດຂອງບໍລິສັດເບຍລາວ ຜູ້ຜະລິດແລະຈັດຈຳໜ່າຍນ້ຳດື່ມກາຫົວເສືອ ແຕ່ພຽງຜູ້ດຽວໃນປະເທດລາວ ໄດ້ອອກແຈ້ງການວ່າ ເຫດການປອມແປງນ້ຳດື່ມກາຫົວເສືອ ແລະການຈັບກຸມຄົນບໍ່ດີນັ້ນແມ່ນມີແທ້ ແຕ່ນ້ຳດື່ມປອມຖືກຈຳໜ່າຍອອກສູ່ຕະຫຼາດ ພຽງໜ້ອຍດຽວ ປັດຈຸບັນນີ້ແມ່ນທາງທີມການຕະຫຼາດຂອງ ບໍລິສັດເບຍລາວ (ນ້ຳດື່ມກາຫົວເສືອ) ໄດ້ເກັບຄືນແລະທຳລາຍຖິ້ມໝົດແລ້ວ ຈຶ່ງຂໍໃຫ້ພໍ່ແມ່ປະຊາຊົນໝັ້ນໃຈຕໍ່ການ ບໍລິໂພກນ້ຳດື່ມກາຫົວເສືອຕໍ່ໄປ.

20229_1617191055226488_5993826731493899150_n 11018600_1617191065226487_7351151673210503610_n 11026166_1617191061893154_2402618836910299085_n 11703374_1472056596444423_2676173078006975770_n 11705286_1472044883112261_3084554693181061633_n 11707599_1617189741893286_8354140442476183130_n 11214090_1617311015214492_8723860683423630117_n 11216249_1617191051893155_5744309291101417323_n 11774256_820693998038434_1915907033_n

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...