Homeຂ່າວເຫດການກອງປະຊຸມໃຫຍ່ຄັ້ງທີ VII ຂອງອົງຄະນະພັກແຂວງຈໍາປາສັກ ປິດລົງດ້ວຍຜົນສໍາເລັດຈົບງາມ

ກອງປະຊຸມໃຫຍ່ຄັ້ງທີ VII ຂອງອົງຄະນະພັກແຂວງຈໍາປາສັກ ປິດລົງດ້ວຍຜົນສໍາເລັດຈົບງາມ

Published on

meeting

ກອງປະຊຸມໃຫຍ່ຄັ້ງທີ VII ອົງຄະນະພັກແຂວງຈໍາປາສັກ, ໄດ້ປິດລົງ ດ້ວຍຜົນສໍາເລັດຈົບງາມໃນວັນທີ 24 ກໍລະກົດຜ່ານມານີ້, ພາຍຫລັງດໍາເນີນ ມາເປັນເວລາ 3 ວັນໂດຍໃຫ້ກຽດເຂົ້າຮ່ວມຂອງສະຫາຍ ທອງລຸນ ສີສຸລິດ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະ ມົນຕີວ່າການກະຊວງການຕ່າງປະເທດ.

ກອງປະຊຸມໃຫຍ່ຄັ້ງນີ້, ຄະນະຜູ້ແທນໄດ້ເປັນເອກະພາບຮັບຮອງເອົາບັນດາເນື້ອໃນ ຄໍາຄິດຄໍາເຫັນ ແລະ ຮັບຮອງເອົາບົດລາຍງານການເມືອງ, ແຜນພັດທະນາເສດຖະກິດ-ສັງຄົມ ແລະ ບົດສໍາຫລວດການນໍາ ພາລວມຂອງຄະນະບໍລິຫານງານພັກແຂວງຊຸດທີ VII, ໃນນັ້ນໄດ້ຕີລາຄາດ້ານດີ, ດ້ານອ່ອນ, ຂໍ້ຄົງຄ້າງ, ສາເຫດ ແລະ
ບົດຮຽນທີ່ຖອດຖອນໄດ້ໃນການຊີ້ນໍາ-ນໍາພາຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ VI ໃນ 5 ປີ ຜ່ານມາ, ພ້ອມນີ້ກອງປະຊຸມຍັງເປັນເອກະພາບຮັບຮອງເອົາວິໄສທັດຮອດປີ 2030,ແຜນຍຸດທະສາດ10 ປີຮອດປີ 2025 ແລະ ຄາດໝາຍສູ້ຊົນໃນ 5 ປີ 2016-2020 ຈາກນັ້ນ, ກອງປະຊຸມໄດ້ພ້ອມກັນໃຊ້ສິດປະ ຊາທິປະໄຕປ່ອນບັດເລືອກເອົາຄະນະບໍລິຫານງານພັກຊຸດໃໝ່ຈໍານວນ 35 ສະຫາຍ, ຍິງ 3 ສະຫາຍຈາກ ຜູ້ຮັບສະໜັກເລືອກຕັ້ງ 41 ສະຫາຍບົນພື້ນຖານຖືກຕ້ອງສອດຄ່ອງກັບມາດ ຖານເງື່ອນໄຂທີ່ກໍານົດໄວ້, ໂດຍໄດ້ເປັນເອກະພາບເລືອກເອົາສະຫາຍ ດຣ.ບຸນຖອງ ດີວິໄຊເປັນເລຂາຄະນະບໍລິຫານງານພັກ ແຂວງ, ສະຫາຍ ສົມສະໜິດ ບຸດຕິວົງ ເປັນຮອງເລຂາ, ສະຫາຍ ເມກສະຫວັນ ພົມພິທັກ ເປັນຮອງ ເລຂາ, ສະຫາຍ ນີພອນ ວຽງປະເສີດ ເປັນຮອງເລຂາ ແລະ ສະຫາຍ ໜູຈັນ ຈັນທະພົງ ເປັນປະທານ ກວດກາ, ສະຫາຍ ຄໍາໃບ ເພັດມີໄຊ ເປັນຮອງປະທານກວດກາ, ສະຫາຍ ແສງວິໄລພອນ ແກ້ວປະເສີດ ເປັນຮອງປະທານກວດກາ, ສະຫາຍ ບຸນທ່ຽງ ຈັນທະວີລາດ ເປັນຮອງປະທານກວດກາ.

ໃນໂອກາດດັ່ງກ່າວສະຫາຍ ທອງລຸນ ສີສຸລິດ ໄດ້ໃຫ້ກຽດໂອ້ລົມ​ຊີ້ນໍາ, ເຊິ່ງກ່ອນອື່ນສະຫາຍໄດ້ສະແດງຄວາມຍ້ອງ ຍໍຊົມເຊີຍ ຕໍ່ການຊີ້ນໍາ-ນໍາພາຂອງຄະນະບໍລິຫານງານພັກແຂວງຊຸດເກົ່າທີ່ໄດ້ຊີ້ນໍາ-ນໍາພາພະນັກງານ, ສະມາຊິກພັກ, ກໍາລັງປະກອບອາວຸດ ແລະ ປະຊາຊົນບັນດາເຜົ່າປະຕິບັດໜ້າທີ່ການເມືອງຂອງຕົນຈົນສາມາດຍາດໄດ້ຜົນສໍາເລັດຫລາຍດ້ານ, ພ້ອມທັງສະແດງຄວາມເປັນຫ່ວງເປັນໄຍຕໍ່ດ້ານອ່ອນ, ຂໍ້ຄົງຄ້າງ, ເຊິ່ງໄດ້ຮຽກຮ້ອງໃຫ້ຄະນະພັກຊຸດໃໝ່ ຈະຕ້ອງໄດ້ສືບຕໍ່ ປັບປຸງ, ແກ້ໄຂໃກ້ດີຂຶ້ນເທື່ອລະກ້າວ.

 

ຂອບໃຈຂ່າວຈາກ:

ລພນ

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...