Homeຂ່າວທ້ອງຖິ່ນຫລວງພະບາງ ກຳນົດຖະໜົນສີສະຫ່ວາງວົງ ໃຫ້ແຕ່ລົດຖີບ ແລະ ຄົນຍ່າງສັນຈອນ!

ຫລວງພະບາງ ກຳນົດຖະໜົນສີສະຫ່ວາງວົງ ໃຫ້ແຕ່ລົດຖີບ ແລະ ຄົນຍ່າງສັນຈອນ!

Published on

6940 06.07.2015.4

ຂປລ. ທ່ານ ບຸນຄົງ ສຸກສະຫັວດ ຮອງຫົວໜ້າພະແນກໂຍທາທິການ ແລະ ຂົນສົ່ງແຂວງຫລວງພະບາງ ໄດ້ໃຫ້ສຳພາດວ່າ: ເພື່ອເຮັດໃຫ້ອ້ອມຮອບ ຖະໜົນສີສະຫວ່າງວົງ ບາງຈຸດມີຄວາມເປັນລະບຽບ ແລະ ເປັນການອຳນວຍຄວາມສະດວກ ໃຫ້ແກ່ການທ່ອງທ່ຽວເຂດຕີນພູສີ ແລະ ໜ້າຫໍພິພິດທະພັນແຫ່ງຊາດ ຫລວງພະບາງ ມີຄວາມສະດວກ ທັງມີຄວາມເປັນລະບຽບຮຽບຮ້ອຍ ເນື່ອງຈາກວ່າໃນໄລຍະຜ່ານມາ ແມ່ນສ້າງຄວາມຫຍຸ້ງຍາກ ໃຫ້ແກ່ເຈົ້າໜ້າທີ່ ໃນການຈັດສັນຄວາມ ເປັນລະບຽບຮຽບຮ້ອຍ  ເພາະວ່າມີລົດຫລາຍຂະໜາດເຂົ້າອອກເປັນປະຈຳ ແລະ ມີບາງພາສ່ວນກໍມາວາງຂາຍ ເຄື່ອງໃສ່ທາງຍ່າງ ອັນເປັນການສ້າງຄວາມສັບສົນ ໃຫ້ແກ່ເຈົ້າໜ້າທີ່  ແລະ  ສ້າງພາບພົດ ອັນບໍ່ຈົບງາມໃນເຂດດັ່ງກ່າວ.

ດັ່ງນັ້ນ ພາກສ່ວນທີ່ກ່ຽວຂ້ອງໄດ້ປະສານສົມທົບກັບອຳນາດການປົກຄອງບ້ານ ກຳນົດໃຫ້ເສັ້ນທາງສີສະຫວ່າງວົງບາງຈຸດ ບໍ່ໃຫ້ມີການສັນຈອນສະເພາະລົດຈັກຂຶ້ນໄປ ຈະອານຸຍາດໃຫ້ພຽງລົດຖີບ ແລະ ຄົນຍ່າງເທົ່ານັ້ນສາມາດສັນຈອນໄປມາໄດ້ ໂດຍກຳນົດເອົາ ວັນພັກລັດຖະການຄື: ທຸກໆວັນເສົາ ແລະ ວັນອາທິດ ເປັນມື້ຈັດຕັ້ງປະຕິບັດ ນັບແຕ່ເວລາ 8:00 ໂມງ ຫາ 23:00 ໂມງ ສ່ວນການຂາຍເຄື່ອງຂອງພໍ່ຄ້າແມ່ຄ້າ ໃນຕະຫຼາດກາງຄືນນັ້ນ ແມ່ນໃຫ້ດຳເນີນຄືເກົ່າ ໂດຍເລີ້ມແຕ່ເວລາ 16:00 ໂມງ ແມ່ນຈະປິດ ການສັນຈອນເພື່ອເປີດຕະຫຼາດກາງຄືນ, ສ່ວນບຸກຄົນໃດຈະສັນຈອນຜ່ານທາງສາຍນີ້ ແມ່ນໃຫ້ນຳໃຊ້ ເສັ້ນທາງລຽບແຄມຂອງ  ແລະ  ແຄມຄານຄືເກົ່າ ແຕ່ຕ້ອງປະຕິບັດຕາມ ກົດລະບຽບ ທີ່ພາກສ່ວນກ່ຽວຂ້ອງກຳນົດໄວ້ຄື ເປັນເສັ້ນທາງວັນເວ (ໝາຍຄວາມວ່າ ແລ່ນໄດ້ເສັ້ນດຽວຕາມແລວນ້ຳໄຫລ).

ທ່ານ ບຸນຄົງ ສຸກສະຫັວດ ຮຽກຮ້ອງໃຫ້ຜູ້ໃຊ້ລົດ ໃຊ້ຖະໜົນທຸກຄົນຕ້ອງເປັນເຈົ້າການໃນການປະຕິບັດ ກົດລະບຽບຈະລາຈອນ  ແລະ  ສັນຈອນ ຕາມທ້ອງຖະໜົນ ຢ່າງມີສະຕິລະວັງຕົວ ເພື່ອຫຼີກລ້ຽງການເກີດອຸບັດເຫດທີ່ ອາດຈະເກີດຂື້ນ.

 

ແຫລ່ງຂ່າວ: ສຳນັກຂ່າວສານປະເທດລາວ

 

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...