ທ່ານ ສົມ​ສະ­ຫວາດ ເລັ່ງ​ສະຫວັດ ຮອງ​ນາ­ຍົກ­ລັດ­ຖະ­ມົນ­ຕີ ໄດ້​ໃຫ້​ກຽດ​ຕ້ອນ­ຮັບ​ການ​ເຂົ້າຢ້ຽມ​ຂ່ຳ­ນັບຂອງ​ທ່ານນາງ Kang Siew Keng ເອກ​ອັກ​ຄະລັດ​ຖະ​ທູດ ປະ­ເທດ​ສິງ­ກະ­ໂປ ຄົນໃໝ່​ ປະ­ຈຳ​ລາວ ໃນ​ຕ່ອນ​ບາຍວັນ​ທີ 21 ມີ­ນາ 2013 ​ທີ່​ສຳ­ນັກງານ​ຫ້ອງ​ວ່າ­ການ​ລັດ­ຖະ­ບານ.

ທ່ານ​ຮອງ​ນາ­ຍົກ​ລັດ​ຖະ​ມົນຕີ ໄດ້​ໃຫ້­ການ​ຕ້ອນ­ຮັບ​ອັນ​ອົບ​ອຸ່ນ ສະ­ແດງ​ຄວາມ​ຍ້ອງ­ຍໍ-ຊົມ­ເຊີຍຕໍ່ການເດີນ­ທາງ​ມາ​ປະ­ຕິ­ບັດ​ໜ້າທີ່​ອັນ​ສຳ­ຄັນ ແລະ ມີ​ກຽດ​ຂອງທ່ານ​ເອກ​ອັກ​ຄະ​ລັດ​ຖະ​ທູດ ເຊິ່ງ​ຖື​ເປັນ​ການຮັດ​ແໜ້ນ​ສາຍ​ພົວ­ພັນ​ຮ່ວມ​ມື​ຊ່ວຍ­ເຫຼືອ​ເຊິ່ງ​ກັນ ແລະ ກັນໃຫ້​ນັບ​ມື້​ເຕີບ​ໃຫຍ່​ຂະຫຍາຍ​ຕົວ​ເຂັ້ມ­ແຂງເປັນ​ກ້າວໆ ລາວ-ສິງ­ກະ­ໂປ ມີ​ການ​ຮ່ວມ​ມືກັນ​ໃນ​ຫຼາຍ​ດ້ານ​ ເປັນ­ຕົ້ນ​ແມ່ນວຽກ​ງານ​ສຶກ​ສາ​ທິ​ການ ໂດຍການ​ໃຫ້​ທຶນ​ນັກ​ສຶກ​ສາ​ລາວ ​ໄປຮຽນ​ຕໍ່​ຢູ່​ປະ­ເທດ​ສິງ­ກະ­ໂປ ໃນຫຼາຍ​ລະ­ດັບ​ຢ່າງ​ເປັນ​ປົກ­ກະ­ຕິ ແລະ ວຽກ​ງານ​ສາ­ທາ­ລະ­ນະ​ສຸກ ເນື່ອງ​ຈາ​ກວ່າ​ປະ­ເທດ​ສິງ­ກະ­ໂປ​ ມີ​ຄວາມ​ກ້າວ­ໜ້າ​ທາງ​ດ້ານ​ເຕັກ ໂນໂລ​ຊີ​ການ​ແພດ​ຂັ້ນ​ສູງ ໂອກາດ​ນີ້ ທ່ານ​ເອກ​ອັກ​ຄະ​ລັດ​ຖະທູດ ໄດ້​ສະ­ແດງ​ຄວາມ​ຂອບ­ໃຈ​ຕໍ່ການຕ້ອນ­ຮັບ​ອັນ​ອົບ​ອຸ່ນ​ຂອງ​ພັກ-ລັດ­ຖະ­ບານ​ລາວ ຕະ­ຫຼອດ​ຮອດປະ­ຊາ­ຊົນ​ລາວ​ບັນ­ດາ­ເຜົ່າ ແລະ ຢືນ­ຢັນ​ຈະ​ຕັ້ງ­ໜ້າ​ປະ­ຕິ­ບັດ​ໜ້າ­ທີ່ທາງ​ການ​ທູດ ​ເພື່ອ​ເສີມ​ຂະ­ຫຍາຍສາຍ​ພົວ­ພັນ​ລະ­ຫວ່າງ​ສອງ​ປະເທດ ລາວ-ສິງ­ກະ­ໂປ ໃຫ້​ບັນ­ລຸເປົ້າ​ໝາຍ​ທີ່​ລັດ­ຖະ­ບານ​ທັງ​ສອງວາງ​ໄວ້​ ປະ­ກົດ​ຜົນ​ເປັນ​ຈິງ.

ທີ່ມາhttp://www.vientianemai.net