ຮ້ານເບເກີຣີ“Jimmy’s Bakery”ຕັ້ງຢູ່ທີ່ມົນທົນອີຫລານທາງຕອນເໜືອຂອງໄຕ້ຫວັນ ຊຶ່ງເປັນຮ້ານທີ່ຂຶ້ນຊື່ໃນເລື່ອງຂອງເຂົ້າໜົມປັງຊະນິດໜຶ່ງທີ່ຂາຍດີຫລາຍຕອນໄລຍະລະດູຮ້ອນຂອງທຸກໆປີ
ມັນເປັນພຽງເຂົ້າໜົມປັງທຳດາໆເທົ່ານັ້ນແຕ່ທີ່ມັນບໍ່ທຳມະດາກໍຄືຮູບຮ່າງຂອງມັນທີ່ເຮັດອອກມາໄດ້ຄືໝາກໂມຫລາຍໆຈົນເຮັດໃຫ້ເຂົ້າໜົມປັງໂຕນີ້ຂາຍດີເປັນເທນ້ຳເທທ່າມາແລ້ວ
ລີເຫວີນຟະ”ເຈົ້າຂອງຮ້ານເບເກີລີໄດ້ເລີ່ມຕົ້ນເຮັດຂະໜົມປັງສຸດພິເສດເປັນຮູບໝາກໂມ ເພື່ອເພີ່ມຍອດຂາຍຈາກເດັກນ້ອຍໃນໄລຍະລະດູຮ້ອນຂອງທຸກປີ
ໃນໄລຍະລະດູຮ້ອນອຸນຫະພູມສະເລ່ຍຂອງປະເທດໄຕ້ຫະຫວັນນັ້ນຈະຢູ່ທີ່35ອົງສາເຮັດໃຫ້ເດັກນ້ອຍໃນທ້ອງຖິ່ນຕ່າງພາກັນບໍ່ຢາກຈະກິນເຂົ້າໜົມປັງໃນໄລຍະທີ່ມີອາກາດຮ້ອນແບບນັ້ນ
ແຕ່“ລີເຫວີນຟະ”ໄດ້ເຮັດໃຫ້ເຂົ້າໜົມປັງທີ່ຮ້ານຂອງລາວເບິ່ງໜ້າສົນໃຈດ້ວຍການໃຊ້ສີຂອງຜົງສະຕໍເບີລີ,ຖ່ານໄມ້ໄຜ່ແລະສີປະສົມອາຫານໃນການເຮັດເຂົ້າໜົມປັງຮູບໝາກໂມອອກມາ
ເຂົ້າໜົມປັງຮູບໝາກໂມນັ້ນຈະໄດ້ຮັບການອົບໃຫ້ອຸ່ນເປັນກ້ອນຈາກໃນເຕົາແລະນຳກ້ອນເຂົ້າໜົມປັງນັ້ນມາຊອຍອອກເປັນຕ່ອນນ້ອຍໆແບ່ງຂາຍຮ້ານເບເກີຣີ“Jimmy’s Bakery”ຈະຜະລິດເຂົ້າໜົມປັງກ້ອນອອກມາເກືອບ100ກ້ອນຕໍ່ມື້ຊຶ່ງຈະເຮັດໃຫ້ໄດ້ເຂົ້າໜົມປັງຮູບໝາກໂມກວ່າ1, 500 ອັນໃນການແບ່ງຂາຍໃນແຕ່ລະມື້ແຕ່ເບິ່ງຄືວ່າຈຳນວນຂອງທີ່ຮ້ານຈະຍັງບໍ່ພໍກັບຄວາມຕ້ອງການຂອງທາງລູກຄ້າຢູ່ດີ