spot_img
Homeຂ່າວການສຶກສາຂ່າວຂໍ້ສອບຮົ່ວ ອາດຈະເປັນພຽງຂ່າວລື

ຂ່າວຂໍ້ສອບຮົ່ວ ອາດຈະເປັນພຽງຂ່າວລື

Published on

11535867_1003641969667475_605919864923939086_n-300x235

ຈາກເຫດການທີ່ທາງກະຊວງ ສຶກສາທິການແລະກິລາ ໄດ້ສັ່ງໂຈະການສອບເສັງຈົບຊັ້ນ ມັດທະຍົມປີທີ 7 ເມື່ອຕອນເຊົ້າຂອງວັນທີ 26 ມິຖຸນາ 2015 ທີ່ຜ່ານມານັ້ນ ເຮັດໃຫ້ກາຍເປັນກະແສຂ່າວຮ້ອນແຮງທີ່ສຸດ ທີ່ບໍ່ເຄີຍມີມາກ່ອນໃນວົງການສຶກສາຂອງລາວ. ຕໍ່ເຫດການດັ່ງກ່າວ ທີມຂ່າວ ລາວໂພສຕ໌ ໄດ້ພະຍາຍາມນຳສະເໜີຫຼາຍແງ່ມູມ ທັງເປັນທາງການແລະບໍ່ເປັນທາງການ.
ຫຼ້າສຸດທີມຂ່າວພວກເຮົາໄດ້ຂໍທັດສະນະ ຈາກຫຼາຍພາກສ່ວນ ໂດຍສະເພາະແມ່ນ ພາກສ່ວນສຶກສາ-ກິລາ ແລະໄດ້ໃຫ້ຄຳເຫັນໄປໃນທາງດຽວກັນ ຄືຂ່າວຂໍ້ສອບຮົ່ວ ອາດຈະເປັນພຽງຂ່າວລື ຍ້ອນຄວາມເຂົ້າໃຈຜິດຊື່ໆ ແລ້ວມີຜູ້ທີ່ເຂົ້າໃຈຜິດນັ້ນສົ່ງຕໍ່ສິ່ງນັ້ນ ລົງໃນເຄືອຂ່າຍສັງຄົມອອນລາຍນ໌ ເັຮດໃຫ້ເລື່ອງລາວດັ່ງກ່າວດັງກະຫື່ມຂຶ້ນ ຈົນເຖິງຂັ້ນວ່າ ຂັ້ນເທິງທີ່ກ່ຽວຂ້ອງ ຕ້ອງສັ່ງໂຈະການສອບເສັງໄວ້ ເພື່ອກວດສອບຄືນກ່ອນ ເປັນບາງວິຊາທີ່ບໍ່ທັນເສັງແລ້ວ.
ຖາມວ່າຂ່າວລືດັ່ງກ່າວເກີດຂຶ້ນໄດ້ຈັ່ງໃດນັ້ນ, ທາງທີມຂ່າວພວກເຮົາໄດ້ປຶກສາກັນກັບ ຫຼາຍພາກສ່ວນແລະໄດ້ທັດສະນະມາວ່າ ອາດຈະເກີດຈາກ 2 ສາເຫດຄື:
1. ຂ່າວລືຕ່າງໆ ມັກຈະເກີດຂຶ້ນພາຍຫຼັງສອບເສັງວິຊານັ້ນໆ ສຳເລັດລົງແລ້ວ ເພາະປະຕິເສດບໍ່ໄດ້ວ່າມີນັກຮຽນຈຳນວນໜຶ່ງ ມັກຈະລັກລອບເອົາບົດຮຽນທີ່ຄາດວ່າ ຈະອອກໃນຫົວບົດສອບເສັງເຂົ້າຫ້ອງເສັງ ແລ້ວອາດຈະມີການສົ່ງຕໍ່ຂໍ້ມູນນັ້ນໄປຍັງ ບຸກຄົນອື່ນໆ ທັງທາງໃບເຈ້ຍ ແລະທາງເຄື່ອງມືສື່ສານ.
2. ກ່ອນຈະຮອດມື້ສອບເສັງແທ້ໆ ຫຼືຢູ່ໃນໄລຍະຄົ້ນຄວ້າບົດຮຽນ ເພື່ອກະກຽມການສອບເສັງ ຄູ-ອາຈານຫຼາຍໂຮງຮຽນ ມັກຈະເອົາຫົວບົດສອບເສັງເກົ່າໆ ຂອງປີທີ່ຜ່ານມາ ຫຼືມີການແຕ່ງຫົວບົດສອບເສັງພາງ (ຫົວບົດສອບເສັງເພື່ອຄົ້ນຄວ້າ) ໃຫ້ແກ່ນັກຮຽນ ເພື່ອຈະໄດ້ສຶກສາຄົ້ນຄວ້າກ່ອນຮອດ ມື້ເສັງຈິງ. ດັ່ງນັ້ນ, ຈຶ່ງມີຄວາມເປັນໄປໄດ້ວ່າ ຫົວບົດສອບເສັງພາງຂອງທາງໂຮງຮຽນ ອອກໃຫ້ນັກຮຽນຄົ້ນຄວ້ານັ້ນ ມີບາງຫົວຂໍ້ມີເນື້ອໃນຄຳຖາມ-ຄຳຕອບ ກົງກັນກັບຫົວບົດສອບເສັງ ທີ່ອອກໂດຍສູນກາງ ແລະເມື່ອຖືກສົ່ງຕໍ່ກັນໄປທາງສື່ສັງຄົມ ອອນລາຍນ໌ແລ້ວ ກໍສາມາດສ້າງຄວາມເຂົ້າໃຈຜິດ ໃຫ້ຜູ້ພົບເຫັນວ່າ “ຫົວບົດສອບເສັງຮົ່ວ”

ລາຍງານໂດຍ: ທີ່ມຂ່າວລາວໂພສຕ໌

ບົດຄວາມຫຼ້າສຸດ

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...