ສຳນັກຂ່າວຕ່າງປະເທດ ລາຍງານໃນວັນທີ 26 ມິຖຸນານີ້ວ່າ ເກີດເຫດນ້ຳຖ້ວມກະທັນຫັນໃນຫລາຍພື້ນທີ່ຂອງລັດຄຸດຣາດ (Gujarat) ທາງພາກຕາເວັນຕົກຂອງອິນເດຍ ຫລັງຈາກທີ່ຝົນຕົກລົງມາຢ່າງໜັກ ແລະ ຕໍ່ເນື່ອງຕະຫລອດ 24 ຊົ່ວໂມງຜ່ານມາ ໂດຍມີລາຍງານພົບຜູ້ເສຍຊີວິດອຸທົກກະໄພດັ່ງກ່າວນີ້ແລ້ວ ຢ່າງໜ້ອຍ 45 ຄົນ ໂດຍສ່ວນໃຫຍ່ແມ່ນຢູ່ເຂດເສົາວະຣັດຕຣະ ແລະ ສາເຫດຂອງການເສຍຊີວິດ ສ່ວນໃຫຍ່ແມ່ນຈົມນ້ຳ ແລະ ການຖືກເຮືອນຊານທີ່ບໍ່ໄດ້ມາດຕະຖານພັງລົງມາທັບ.
ທັງນີ້ລັດຄຸດຣາດ ເປັນລັດທີ່ຕິດກັບຊາຍແດນຂອງປະເທດປາກີສະຖານ ເຊິ່ງເປັນສູນກາງທາງດ້ານອຸດສາຫະກຳແຫ່ງຕົ້ນໆຂອງປະເທດ ອີກທັງຍັງເປັນບ້ານເກີດຂອງ ມະຫາຕະມະຄານທີ ບິດາແຫ່ງເອກະລາດຂອງອິນເດຍອີກດ້ວຍ.
