ສຳນັກຂ່າວຕ່າງປະເທດ ລາຍງານໃນວັນທີ 21 ມິຖຸນາຜ່ານມານີ້ວ່າ ມີຊາວອິນເດຍຕາຍ ບໍ່ຕ່ຳກ່ວາ 84 ຄົນ ຫລັງຈາກທີ່ໄດ້ກິນເຫລົ້າເຖື່ອນທີ່ເປັນພິດ ໂດຍເຫດການດັ່ງກ່າວ ເກີດຂຶ້ນໃນມື້ວັນທີ18 ມິຖຸນາຜ່ານມາ ໃນຊຸມຊົນເຂດມາລັດ ທາງພາກຕາເວັນຕົກຂອງເມືອງມຸມໄບ ໂດຍຜູ້ເຄາະຮ້າຍໄດ້ພາກັນກິນເຫລົ້າທີ່ຕົ້ມເອງ ເຊິ່ງເປັນເຫລົ້າລາຄາຖືກ ດັ່ງທີ່ເຄີຍກິນຜ່ານໆມາ ແຕ່ສຳລັບເທື່ອນີ້ແມ່ນພາຍຫລັງກິນແລ້ວ ມີອາການປວດຮາກ ປວດຕາມຕົນໂຕ ແລະ ຊ່ວງທ້ອງ ຈາກນັ້ນກໍເສຍຊີວິດໃນເວລາຕໍ່ມາ.
ທັງນີ້ ຍັງມີອີກນຳນວນ 30 ຄົນ ຖືກສົ່ງໄປປິ່ນປົວຢູ່ໂຮງໝໍໃນປັດຈຸບັນ ແລະ ມີຫລາຍຄົນຢູ່ໃນອາການໜ້າເປັນຫ່ວງ ເຊິ່ງທາງການຂອງອິນເດຍເປີດເຜີຍວ່າ ຈຳນວນຜູ້ເສຍຊີວິດຈາກການດື່ມເຫລົ້າເປັນພິດນີ້ ອາດເພີ່ມຂຶ້ນ.
