spot_img
Homeຂ່າວຕ່າງປະເທດສາວລາວຮັບຈ້າງຂົນຢາບ້າ 5 ພັນກ່ວາເມັດ! ຖືກຕຳຫລວດໄທຈັບຢູ່ມຸກດາຫານ ສາລະພາບໄດ້ຄ່າຈ້າງ 15,000 ບາດ!

ສາວລາວຮັບຈ້າງຂົນຢາບ້າ 5 ພັນກ່ວາເມັດ! ຖືກຕຳຫລວດໄທຈັບຢູ່ມຸກດາຫານ ສາລະພາບໄດ້ຄ່າຈ້າງ 15,000 ບາດ!

Published on

capture-20150619-151433

ຕຳຫລວດໄທຈັບສາວລາວລັກລອບຂົນຢາບ້າ ໂດຍໃຊ້ລົດແທ໊ກຊີ່ເພື່ອຫລົບຕາເຈົ້າໜ້າທີ່ແຕ່ໜີບໍ່ລອດ ຖືກຈັບໄດ້ຄາດ່ານກວດຢູ່ມຸກດາຫານ ພົບຢາບ້າ 5 ພັນກ່ວາເມັດ ໂດຍຮັບສາລະພາບຮັບຈ້າງຂົນ ໄດ້ຄ່າຈ້າງ 15,000 ບາດ.

ເວັບຂ່າວຂອງສະຖານີວິທະຍຸກະຈາຍສຽງແຫ່ງປະເທດໄທ ປະຈຳແຂວງມຸກດາຫານ ໄດ້ລາຍງານໃນວັນທີ 18 ມິຖຸນາຜ່ານມານີ້ວ່າ ທາງເຈົ້າໜ້າທີ່ຕຳຫລວດແຂວງມຸກດາຫານ ໄດ້ສືບຮູ້ວ່າຈະມີການລັກລອບຂົນຢາບ້າໂດຍໃຊ້ເສັ້ນທາງພາຍໃນແຂວງ ຈິ່ງໄດ້ລົງຕັ້ງດ່ານກວດກາຢູ່ຕາມເສັ້ນທາງຫລັກ ໂດຍໃນວັນທີ 17 ມິຖຸນາຜ່ານມາ ເວລາ 17:30 ໂມງ ເຈົ້າໜ້າທີ່ຢູ່ດ່ານກວດຈິ່ງໄດ້ມີການກວດລົດແທ໊ກຊີ່ຄັນໜຶ່ງ ເຊິ່ງໃນນັ້ນພົບຜູ້ຍິງຊາວລາວຄົນໜຶ່ງຊື່ ນາງ ລິຕາ ສຸວັນນະລາດ ອາຍຸ 28 ປີ ເປັນປະຊາຊົນຢູ່ບ້ານຈອມມະນີ ເມືອງໄຊເສດຖາ ນະຄອນຫລວງວຽງຈັນ ໂດຍສານມາຄົນດຽວໃນລົດຄັນດັ່ງກ່າວ ຈິ່ງໄດ້ຂໍອະນຸຍາດກວດຄົ້ນ ພົບຢາບ້າເຊື່ອງໄວ້ໃນກະເປົາຮັດແອວ ຈຳນວນ 5,988 ເມັດ.

ຜ່ານການສືບສວນຂອງເຈົ້າໜ້າທີ່ຕຳຫລວດແຂວງມຸກດາຫານ ໃຫ້ຮູ້ວ່າ ນາງ ລິຕາ ສຸວັນນະລາດ ໄດ້ຮັບສາລະພາບວ່າຕົນເອງເອົາຢາບ້າຈຳນວນດັ່ງກ່າວ ມາຈາກເມືອງດອນຕານ ແຂວງມຸກດາຫານ ແລ້ວຈິ່ງຈ້າງລົດສອງແຖວເຂົ້າມາຕົວເມືອງມຸກດາຫານ ກ່ອນທີ່ຈະຮັບຈ້າງເໝົາລົດແທ໊ກຊີ່ຄັນດັ່ງກ່າວ ເພື່ອຂົນຢາບ້າໄປສົ່ງໃຫ້ລູກຄ້າຢູ່ແຂວງອຳນາດຈະເລີນ ປະເທດໄທ ໂດຍໄດ້ຮັບຄ່າຈ້າງທັງໝົດ 15,000 ບາດ ແຕ່ກໍມາຖືກເຈົ້າໜ້າທີ່ຈັບໄດ້ກ່ອນ.

 

  capture-20150619-151519

capture-20150619-151542

ບົດຄວາມຫຼ້າສຸດ

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...

ສປປ ລາວ ສົ່ງອອກໝາກມ່ວງສົດ ຂະບວນທໍາອິດ ໄປສູ່ ສປ ຈີນ ຈຳນວນ 90 ໂຕນ

ສົ່ງອອກສູ່ຕະຫຼາດສາກົນ ສປປ ລາວ ສົ່ງອອກໝາກມ່ວງສົດຂະບວນທຳອິດ ໄປສູ່ ສປ ຈີນ ຈຳນວນ 90 ໂຕນ ວັນທີ 30 ພຶດສະພາ 2025 ໄດ້ມີພິທີເປີດຂະບວນສົ່ງຫມາກມ່ວງສົດຂະບວນທຳອິດຈາກສປປ...

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...