spot_img
Homeຂ່າວທ້ອງຖິ່ນກອງທັບ​ຕັກ​ກະ​ແຕນ ​ຍັງ​ສືບ​ຕໍ່​ທຳລາຍ​ຜົນ​ຜະລິດ​ຢ່າງ​ຫນັກ​ໜ່ວງ​ ຢູ່​ແຂວງ​ຫລວງ​ພະ​ບາງ!

ກອງທັບ​ຕັກ​ກະ​ແຕນ ​ຍັງ​ສືບ​ຕໍ່​ທຳລາຍ​ຜົນ​ຜະລິດ​ຢ່າງ​ຫນັກ​ໜ່ວງ​ ຢູ່​ແຂວງ​ຫລວງ​ພະ​ບາງ!

Published on

takkataen

ຫວ່າງບໍ່ດົນມານີ້ ຢູ່ເມືອງໂພນທອງແຂວງຫຼວງພະບາງແມ່ນໄດ້ເກີດສະ ພາບການລະບາດ ຈາກສັດຕູພືດ​ໂດຍສະເພາະແມ່ນຕັກກະແຕນທຳ ລາຍຜົນຜະ ລິດຂອງປະຊາຊົນ ເຊີ່ງມາຮອດປະຈຸບັນແມ່ນທຳລາຍໄປແລ້ວ ໃນເນື້ອທີ່ປະມານ 800 ເຮັກຕາ ກວມເອົາ 15 ບ້ານໃນເຂດອ້ອມຮອບເທດສະບານເມືອງ, ພືດທີ່ ຖືກຕັກກະແຕນທຳລາຍນີ້ ເປັນປະເພດພືດຕະກຸນໃບລ້ຽງດຽວເຊັ່ນ: ເຂົ້າ, ສາລີ, ໃບໄຜ່ ແລະ ອື່ນໆ, ການລະບາດຂອງຕັກກະແຕນແມ່ນໄດ້ສ້າງຄວາມເສຍ ຫາຍ ໃຫ້ແກ່ປະຊາຊົນຢ່າງຫຼວງຫຼາຍ, ນອກຈາກເມືອງໂພນທອງແລ້ວຍັງມີເມືອງວຽງຄຳເຊີ່ງເປັນເມືອງທີ່ມີຊາຍແດນຕິດຈອດ ກັນກໍ່ໄດ້ຖືກຜົນກະທົບດັ່ງກ່າວ ສຳລັບເມືອງວຽງຄຳແມ່ນໄດ້ຖືກຕັກກະແຕນທຳລາຍຜົນຜະລິດໃນເນື້ອທີ່ 265 ເຮັກຕ່າ,

ໃນເບື້ອງຕົ້ນແມ່ນມີພຽງ 7 ບ້ານທີ່ຖືກຜົນກະທົບ, ແຕ່ມາຮອດປະຈຸບັນ ຕັກກະແຕນໄດ້ແຜ່ລາມອອກເປັນວົງກ້ວາງອັນ ໄດ້ເຮັດເຂດທີ່ຖືກຜົນກະທົບເພີ້ມເປັນ 12 ບ້ານ, ນອກນັ້ນ ເມືອງວຽງຄຳຍັງມີໜູຂີລະບາດຕື່ມ ເຊີ່ງໄດ້ທຳລາຍຜົນຜະລິດຂ ອງຊາວກະສິກອນໄປແລ້ວ 735 ເຮັກຕາ ເຮັດໃຫ້ຜົນລະປູກຊາວກະສິກອນຖືກທຳລາຍເສຍຫາຍຢ່າງໜັກ. ຕໍ່ກັບບັນຫາ ດັ່ງກ່າວພະແນກກະສິກຳແລະປ່າໄມ້ແຂວງ ໄດ້ປະກາດໃຫ້ທັງສອງເມືອງເປັນເຂດໄພພິບັດຈາກການສັດຕູພືດ ທຳລາຍຜົນຜະ ລິດ, ເຊີ່ງມາຮອດປະຈຸບັນພາກສ່ວນກ່ຽວຂ້ອງຂອງທັງສອງເມືອງໄດ້ປຸກລະດົມໃຫ້ປະຊາຊົນ ພ້ອມກັນເປັນເຈົ້າການທຳລາຍ ຕັກກະແຕນໃນເບື້ອງຕົ້ນ ພ້ອມທັງໄດ້ຮັບການຮ່ວມມືຈາກ ວິຊາການຂອງ ສປຈີນ ໃນການສະໜອງຢາປາບສັດຕູພືດທີ່ ມີຜົນກະທົບຕໍ່ທຳມະຊາດໜ້ອຍທີ່ສຸດ ສ່ວນປະຊາຊົນແມ່ນໃຊ້ວິທີພື້ນບ້ານໃນການຈັບຕັກກະແຕນມາທຳລາຍຖີ້ມ ໃນນີ້ ສະເພາະເມືອງໂພນທອງ ສາມາດຈັບຕັກກະແຕນມາທຳລາຍໄດ້ 7 ໂຕນກ່ວາ ຫຼື ປະມານ 43 ລ້ານກວ່າໂຕ. ເຖີງວ່າຈະມີກ ານປາບປາມແລະສະກັດກັ້ນກໍ່ຕາມໃນສອງເມືອງດັ່ງກ່າວນີ້ຍັງມີຄວາມສ່ຽງທີ່ຕັກກະແຕນຈະສືບຕໍ່ລະບາດ ຕື່ມອີກ ຢ່າງເປັນວົງກ້ວາງ ແລະ ຄາດວ່າຈະເຄື່ອນທີ່ໄປຫາບັນດາເມືອງຂອງແຂວງໃກ້ຄຽງຕື່ມອີກ. ເນື່ອງຈາກວ່າ ຕັກກະແຕນໄດ້ທຳ ລາຍຜົນຜະລິດໝົດແລ້ວມັນຈະເຄື່ອນຍ້າຍໄປຕາມກະແສລົມ. ມາຮອດປະຈຸບັນຊາວກະສິກອນທັງສອງເມືອງແມ່ນ ພົບຄວາມຫຍຸ້ງຍາກຫຼາຍດ້ານ ກ່ອນອື່ນແມ່ນຕ້ອງການແນວພັນພືດເພື່ອນຳໄປປູກທົດແທນພືດທີ່ຖືກທຳລາຍ ສ່ວນອຳນາດການປົກຄອງເມືອງ ແມ່ນຕ້ອງການງົບປະມານເພື່ອສົ່ງພະນັກງານລົງໄປຕິດຕາມ ແລະ ແກ້ໄຂສະພາບ ການຕົວຈີງ. ດ້ວຍຄວາມເປັນຮ່ວງເປັນຫ່ວງຕໍ່ສະພາບການທີ່ເກີດຂື້ນ ດຣ ຄຳແພງ ໄຊສົມແພງ ເຈົ້າແຂວງຫຼວງພະບາງ ພ້ອມດ້ວຍພາກສ່ວນກ່ຽວຂ້ອງໄດ້ລົງຕິດຕາມສະພາບການຕົວຈີງ ພ້ອມທັງໄດ້ລົງພົບປະປະຊາຊົນຢູ່ພື້ນທີ່ທີ່ຖືກຜົນກະທົບ ແລະ ນຳເອົາເງີນໄປຊ່ວຍເຫຼືອເບື້ອງຕົ້ນ ເມືອງລະ 15 ລ້ານກີບ, ໂອກາດນີ້ ທ່ານເຈົ້າແຂວງໄດ້ເນັ້ນໃຫ້ຄະນະພັກ ອຳນາດການປົກຄອງຂອງເມືອງພ້ອມກັນສືບຕໍ່ ສຸມໃສ່ແກ້ໄຂສະພາບການເບື້ອງຕົ້ນ ພ້ອມທັງ ປຸກລະດົມໃຫ້ປະຊາຊົນນຳເອົາພືດທີ່ຫາໄດ້ຕາມທຳມາຊາດມາປູກທົດແທນພືດທີ່ຖືກທຳລາຍກ່ອນ ແລະ ປຸກລະດົມໃຫ້ປະຊາຊົນບໍ່ໃຫ້ມີແນວຄິດຄອນແຄນແລະທໍ້ຖອຍໃນການດຳລົງຊີວິດ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...