1.ບໍ່ກ້າເວົ້າເລື່ອງເງິນເດືອນກັບຫົວໜ້າໂດຍກົງ
ນີ້ແມ່ນບັນຫາໃຫຍ່ສໍາລັບພະນັກງານທີ່ຢາກມີເງິນເດືອນສູງກັບບໍ່ກ້າທີ່ຈະເອີ່ຍປາກເວົ້າກັບຫົວໜ້າແບບເປີດໃຈທັງສອງຝ່າຍ. ສວ່ນຫຼາຍແມ່ນເກັບໄປຈົ່ມກັບເພື່ອນຮ່ວມງານແບບສາມມື້ດີສີ່ມື້ໄຂ້

2.ຕິດພັນກັບອົງກອບ ແລະ ມີນິໄສເຄີຍຊີນ
ສອງສິ່ງນີ້ແມ່ນສ້າງໃຫ້ພະນັກງານຕິດກັບດັກອົງກອນເພາະບໍ່ກ້າກ້າວໄປຫາສິ່ງໃໝ່,ມັກຄວາມສະບາຍ,ມັກສິ່ງອໍານວຍຄວາມສະດວກທີ່ມີໃນປັດຈຸບັນ ແລະ ເຄີຍຊີນກັບວິຖີການເປັນພະນັກງານແບບເດີມໆຫຼາຍດວ່າຈະກ້າວອອກມາເບີ່ງໂລກກ້ວາງທີ່ມີທັງໂອກາດແລະຄວາມກ້າວໜ້າ

3. ການບໍ່ກ້າສະແດງຄວາມເປັນຜູ້ນໍາ ແລະ ຄວາມສາມາດໃຫ້ຫົວໜ້າປະຈັກຊັດເຈນ
ເຊື່ອວ່າພະນັກງານຈໍານວນຫຼາຍຢູ່ເປັນພະນັກ ງານແບບຕາມມີຕາມເກີດໂດຍປັດສະຈາກເປົ້າໜາຍຊີວິດ ແລະ ເປົ້າໜາຍອາຊິບທີ່ແນ່ນອນວ່າອິກ 3-5 ປີໂຕເອງຕ້ອງເປັນພະນັກງານໃນຂັ້ນໃດ ຫຼື ຈະກ້າວໄປເປັນຜູ້ຈັດການໄດ້ແນວໃດ. ສ່ວນຫຼາຍຍັງລໍຄອຍໂອກາດ ແລະ ຄວາມກ້າວໜ້າໃນອາຊິບຕາມລະບົບບໍລິສຫດກໍານົດ ໂດຍບໍ່ເປັນຜູ້ກຳນົດຊາຕາກໍາໂຕເອງ

4.ບໍ່ກ້າກ້າວຂາເພື່ອໄປຫາອົງກອນໃໝ່
ນີ້ເປັນບັນຫາໃຫຍ່ເພາະບໍ່ມີເປົ້າໜາຍຊີວິດ,ຕິດອົງກອນ,ເຄີຍຊີນການເຮັດວຽກແບບເດີມໆ,ບໍ່ມີພາວະຜູ້ນໍາ,ບໍ່ກ້າກ້າວຂາອອກມາເບີ່ງໂລກໃໝ່ ອົງກອນໃໝ່ ສັງຄົມໃໝ່ ແລະ ໜ້າທີ່ໃໝ່ທີ່ທ້າທາຍ ແລະ ໃຫຍ່ກວ່າເກົ່າ ຊີວິດກໍ່ອາດຝັງຮາກກັບສິ່ງເດີມໆກັບອົງກອນເດີທໆແລະລະບົບການເລື່ອນຕໍາແໜ່ງແບບເດີມໆເຊັ່ນກັນ

5.ຂາດຄວາມໜັ້ນໃຈໃນໂຕເອງ
ຂໍ້ນີ້ກໍ່ນັບວ່າເປັນຫົວໃຈຂອງຄວາມກ້າວໜ້າເພາະການຢູ່ຕໍ່ກັບອົງກອນເດີມກໍ່ໃດ້ມີຄວາມໜັ້ນໃຈ ຫຼື ຈະກ້າວໄປບ່ອນໃໝ່ກໍ່ຕ້ອງມີສິ່ງນີ້ຕິດໂຕໄປນໍາ ແຕ່ສ່ວນຫຼາຍມັກຈະຕາຍຄາຮັງເພາະບໍ່ໜັ້ນໃຈແມ້ແຕ່ຈະຄິດໃໝ່,ປ່ຽນແປງໃໝ່ ແລະ ສ້າງສິ່ງໃໝ່ໆໃຫ້ເກີດແກ່ຊີວິດການເປັນພະນັກງານຂອງຕົນເອງໃນອົງກອນເກົ່າກໍາຍັງຍາກເຕັມທີ

5 ຂໍ້ທີ່ກ່າວມາຂ້າງເທິງນີ້ ໃຫ້ລອງເກັບໄປສໍາຫຼວດໂຕເອງວ່າມີຂໍ້ໃດທີ່ເຮົາມີ ຫຼື ອອ່ນແລ້ວນໍາມາປັບປຸງໃຫ້ດີຂື້ນກ່ອນທີ່ຈະກ້າວໄປສະໜັກວຽກບ່ອນໃໝ່.

ສໍາລັບທ່ານໃດທີ່ຕ້ອງການເຮັດວຽກແບບອິດສະ ຫຼະຕາມສິ່ງທີ່ທ່ານທະນັດ. ສົ່ງປະຫັວດ ຫຼື ວຽກຜ່ານມາທີ່ Jobsabai.info@gmail.com