ຂປລ. ວັນທີ 15 ມິຖຸນາ 2015 ຢູ່ເຂດເສດຖະກິດສະເພາະບຶງທາດຫລວງໄດ້ຈັດພິທີເປີດຂາຍໃຫ້ຈອງຫ້ອງພັກທີ່ຢູ່ອາໃສ ແລະ ຫ້ອງຊຸດ ເພື່ອຄືນກໍາໄລໃຫ້ຜູ້ສະໜັບສະໜູນ ແກ່ການພັດທະ ນາໂຄງການດັ່ງກ່າວ, ໃນເບື້ອງຕົ້ນ ທາງໂຄງການຈະໄດ້ນໍາເອົາຫ້ອງຊຸດຈໍານວນໜຶ່ງ ທີ່ມີຫລາຍ ລາຄາ ແລະ ຫລາຍຂະໜາດນັບແຕ່ 68-78 ຕາແມັດ, ສອງຫ້ອງນອນ ໜຶ່ງຫ້ອງຮັບແຂກ ມີເນື້ອທີ່ 100-119 ຕາແມັດ ແລະ ຫ້ອງໃຫຍ່ຂະໜາດ 112-125 ຕາແມັດ ລວມທັງໝົດມີ 319 ຫ້ອງ ພ້ອມມີເຄື່ອງຮັບໃຊ້ ທີ່ທັນສະໄໝຄົບຊຸດໃນລາຄາເປັນພິເສດ. ເປັນກຽດເຂົ້າຮ່ວມໂດຍມີ ທ່ານນາງ ບຸນເພັງ ມູນໂພໄຊ ລັດຖະມົນຕີປະຈໍາຫ້ອງວ່າການລັດຖະບານ, ຮອງປະທານ ຜູ້ປະຈໍາການຂອງຄະນະກໍາມະການແຫ່ງຊາດ ເພື່ອຄຸ້ມຄອງເຂດເສດຖະກິດພິເສດ ແລະ ເຂດເສດຖະກິດສະເພາະ ສປປ ລາວ, ທ່ານ ຫວງກົວພິງ ປະທານສະພາບໍລິຫານເສດຖະກິດຂອງເຂດເສດຖະກິດສະເພາະບຶງທາດ ຫລວງ, ມີບັນດາລັດຖະມົນຕີວ່າການ, ຊ່ວຍວ່າການ, ຫົວໜ້າກົມ, ຮອງກົມ, ບັນດາທູຕານຸທູດ ພ້ອມດ້ວຍນັກທຸລະກິດພາຍໃນ ແລະ ຕ່າງປະເທດ ພ້ອມພະນັກງານກ່ຽວຂ້ອງເຂົ້າຮ່ວມ.
ສຳນັກຂ່າວສານປະເທດລາວ