ເກີດເຫດປ້ຳນ້ຳມັນລະເບີດຮຸນແຮງ ໃນນະຄອນຫລັງອັກກະຣາ ເມືອງຫລວງຂອງປະເທດການາ ເຮັດໃຫ້ໄຟໄໝ້ລຸກລາມເຮືອນຊານໃກ້ຄຽງ ມີຄົນເສຍຊີວິດເຖິງ 150 ຄົນ.

ສຳນັກຂ່າວຕ່າງປະເທດ ລາຍງານໃນວັນທີ 4 ມິຖຸນາຜ່ານມານນີ້ວ່າ ເກີດອຸບັດເຫດສະຖານີນ້ຳມັນລະເບີດຮຸນແຮງ ໃນນະຄອນຫລວງອັກກະຣາ ເມືອງຫລວງຂອງປະເທດການາ ໃນເວລາປະມານ 22:00 ໂມງ ຂອງມື້ວັນພຸດທີ 3 ມິຖຸນາຜ່ານມານີ້ ຕາມເວລາໃນທ້ອງຖິ່ນ ເປັນເຫດເຮັດໃຫ້ເກີດໄຟລຸກໄໝ້ຢ່າງວ່ອງໄວ ແລະ ຮຸນແຮງ ໂດຍມີຜູ້ເສຍຊີວິດຢ່າງໜ້ອຍ 150 ຄົນ ເຊິ່ງຜູ້ເຄາະຮ້າຍຈຳນວນດັ່ງກ່າວນີ້ ເສຍຊີວິດໃນຂະນະທີ່ພາກັນມາຢືນຫລົບຝົນທີ່ຕົກລົງແຮງ ໃນບໍລິເວນປ້ຳນ້ຳມັນດັ່ງກ່າວ.

ດ້ານເຈົ້າໜ້າທີ່ດັບເພີງຂອງການາ ໄດ້ລະບຸສາເຫດຂອງເຫດການດັ່ງກ່າວນີ້ວ່າ ເບື້ອງຕົ້ນແມ່ນຄາດວ່າເປັນອຸບັດເຫດ ໂດຍມີໄຟໄໝ້ເລີ່ມຂຶ້ນບໍລິເວນບ່ອນຈອດລົດບັນທຸກ ກ່ອນທີ່ແປວໄຟຈະລຸກລາມໄປໃສ່ປ້ຳນ້ຳມັນ ແລະ ຕຶກອາຄານທີ່ຢູ່ໃກ້ຄຽງ.