ເມື່ອບໍ່ດົນມານີ້, ເຈົ້າໜ້າທີ່ສະກັດກັ້ນ ແລະ ຕ້ານຢາເສບຕິດແຂວງຈຳປາສັກ, ໄດ້ນຳກຳລັງເຂົ້າຈັບເຄືອຂ່າຍຄ້າຢາເສບຕິດ ລາຍໃຫຍ່,ໃນຂະນະທີ່ມີການຊື້ ຂາຍຢາບ້າຢູ່ເຂດບ້ານໂພນສະຫວັນ ເມືອງປາກເຊ ແຂວງຈຳປາສັກ ໂດຍສາມາດ ຈັບຕົວຜູ້ ຕ້ອງຫາໄດ້ຄື: ທ້າວ ຄຳຊ້າງ ອາຍຸ 21 ປີ ຢູ່ບ້ານໂພນງາມ, ທ້າວສີດາ ອາຍຸ 18 ປີຢູ່ບ້ານໂພນສະອາດ ແລະ ນາງເພັດສະໄໝ ອາຍຸ 29 ປີຢູ່ບ້ານສະ ໜາມໄຊ ເມືອງປາກເຊ ພ້ອມຂອງການຢາບ້າ 8 ພັນເມັດ, ຢາໄອອີກຈຳນວນໜຶ່ງ ແລະ ລົດຈັກ ສອງຄັນ.
ເຈົ້າໜ້າທີ່ໃຫ້ຮູ້ວ່າ:ພວກກ່ຽວແມ່ນເຄືອຂ່າຍຄ້າຢາເສບຕິດລາຍໃຫຍ່ ທີ່ເຈົ້າ ໜ້າທີ່ຕິດຕາມການເຄື່ອນໄຫວມາດົນແລ້ວ ແລະມີຂໍ້ມູນຫລັກຖານແໜ້ນໜາຈຶ່ງສາມາດຈັບຕົວມາດຳເນີນຄະດີຕາມ ລະບຽບກົດໝາຍ.
ແຫລ່ງຂ່າວ: ລາວພັດທະນາ