spot_img
Homeຂ່າວການພັດທະນາອາເມຣິກາໃຫ້ລາວ 1,5 ລ້ານໂດລາ ປະຕິບັດໂຄງການເກັບກູ້ລະເບີດ ຢູ່ແຂວງສະຫວັນນະເຂດ

ອາເມຣິກາໃຫ້ລາວ 1,5 ລ້ານໂດລາ ປະຕິບັດໂຄງການເກັບກູ້ລະເບີດ ຢູ່ແຂວງສະຫວັນນະເຂດ

Published on

20150529145101

ຫ້ອງການ​ຄະນະ​ກຳມະການ​ຄຸ້ມ​ຄອງ​ແຫ່ງ​ຊາດ ເພື່ອ​ການ​ແກ້​ໄຂ​ບັນຫາ​ລະເບີດ​ບໍ່​ທັນ​ແຕກ​ທີ່​ຕົກ​ຄ້າງ​ຢູ່ ​ສປປ ລາວ (​ຄຊກລ) ແລະ ອົງການ HALO Trust ໄດ້​ລົງ​ນາມ​ບົດ​ບັນທຶກ​ຄວາມ​ເຂົ້າໃຈ​ຮັບ​ເອົາ​ການ​ຊ່ວຍເຫຼືອ​ຈາກ ສ ອາເມລິກາ ຈຳນວນ 1,5 ລ້ານ​ໂດ​ລາ​ສະຫະລັດ ຫຼື ປະມານ 12 ຕື້​ກີບ ເພື່ອ​ສືບຕໍ່​ຈັດ​ຕັ້ງ​ປະຕິບັດ​ໂຄງການ​ ເກັບ​ກູ້​ລະເບີດ​ບໍ່​ທັນ​ແຕກ​ເພື່ອ​ມະນຸດສະທຳ ຢູ່​ເມືອງ​ວິລະ​ບູ​ລີ ແລະ ເມືອງ​ເຊໂປນ ແຂວງ​ສະຫວັນ​ນະ​ເຂດ ໃນ​ໄລຍະ 1 ປີ ໂດຍ​ການ​ຂະຫຍາຍ​ວິຊາ​ການ​ເຂົ້າ​ໃນ​ການ​ສຳ​ຫຼວດ-ກວດ​ກູ້ ທຳລາຍ​ລະເບີດ​ເຄື່ອນ​ທີ່ ແລະ ການ​ໂຄສະນາ​ສຶກ​ສາ​ຄວາມ​ສ່ຽງ​ໄພ​ຈາກ​ລະເບີດ​ບໍ່​ທັນ​ແຕກ.

ພິທີ​ລົງ​ນາມ​ດັ່ງກ່າວ ໄດ້​ຈັດ​ຂຶ້ນ​ວັນ​ທີ 29 ພຶດ​​ສະ​ພາ 2015 ຢູ່ ຫ້ອງການ ​ຄຊກລ ລະຫວ່າງ​ທ່ານ ພູ​ຂຽວ ຈັນທະ​ສົມບູນ ຫົວໜ້າ​ຫ້ອງການ ​ຄຊກລ ກັບ​ທ່ານ ຈິມ​ມີ ແກຼມ ຫົວໜ້າ​ອົງການ HALO Trust ໂດຍ​ມີ​ທ່ານ Paul Mayer ອຸປະ​ທູດ ສະຖານທູດ ສ ອາເມລິກາ ປະຈຳ ​ສປປ ລາວ ພ້ອມ​ດ້ວຍ​ຕາງໜ້າ​ກະຊວງ​ການ​ຕ່າງປະເທດ ອຳນາດ​ການ​ປົກຄອງ​ແຂວງ​ສະຫວັນ​ນະ​ເຂດ ແລະ ແຂກ​ຖືກ​ເຊີນ​ເຂົ້າ​ຮ່ວມ.

ທ່ານ ພູ​ຂຽວ ຈັນທະ​ສົມບູນ ໄດ້​ກ່າວ​ວ່າ: ອົງການ HALO Trust ເປັນ​ອົງການ​ເກັບ​ກູ້​ລະເບີດ​ບໍ່​ທັນ​ແຕກ ​ເພື່ອ​ມະນຸດສະທຳ​ຂອງ​ຣາ​ຊະ​ອານາຈັກ​ອັງກິດ ໄດ້​ຖືກ​ອະນຸຍາດ​ໃຫ້​ປະຕິບັດ​ໜ້າທີ່​ເກັບ​ກູ້​ລະເບີດ​ບໍ່​ທັນ​ແຕກ​ຢູ່ ​ສປປ ລາວ ແຕ່​ປີ 2012 ເປັນຕົ້ນ​ມາ ເຊິ່ງ​ເປັນ​ອົງການ​ທີ່​ມີ​ຄວາມ​ສາມາດ ແລະ ເຮັດ​ວຽກ​ຢ່າງ​ມີ​ປະສິດທິພາບ​ສູງ ສະແດງ​ອອກ 3 ປີຜ່ານມາ ອົງການ HALO Trust ໄດ້​ເອົາໃຈໃສ່​ປະຕິບັດ​ການ​ສຳ​ຫຼວດ-ກວດ​ກູ້ ໂຄສະນາ​ສຶກ​ສາ​ຄວາມ​ສ່ຽງ​ໄພ​ຈາກ​ລະເບີດ​ບໍ່​ທັນ​ແຕກ ແລະ ທຳລາຍ​ເຄື່ອນ​ທີ່​ໄດ້​ຫຼາຍ​ສົມຄວນ ເຊິ່ງ​ໄດ້​ປະກອບສ່ວນ​ແກ້​ໄຂ​ຄວາມທຸກ​ຍາກ ກໍ່​ຄື​ການ​ພັດທະນາ​ເສດຖະກິດ-ສັງຄົມ ​ຢູ່​ແຂວງ​ສະຫວັນ​ນະ​ເຂດ ​ໄດ້​ເປັນ​ຢ່າງ​ດີ.

 

ແຫລ່ງຂ່າວ: ວຽງຈັນໃໝ່

 

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...