ສະຖາບັນການສຶກສານັບທັງພາກລັດ ແລະ ເອກະຊົນ, ຕ້ອງໄດ້ເພີ່ມທະວີການຄຸ້ມ ຄອງກວດກາ ແລະ ມີມາດຕະການເຂັ້ມງວດກວ່າເກົ່າດ້ານລະບຽບຕໍ່ນັກຮຽນ-ນັກ ສຶກສາເພາະ ຜ່ານມາເຫັນວ່າມີນັກຮຽນ-ນັກສຶກສາຈຳ ນວນບໍ່ໜ້ອຍບໍ່ເອົາໃຈໃສ່ຕໍ່ ການຮຽນພາກັນໄປນັ່ງດື່ມເຫລົ້າເບຍຢູ່ຕາມຮ້ານອາຫານ ແລະ ສະຖານບັນເທິງ ຕ່າງໆແມ່ນມີແຜ່ຫລາຍ, ໂດຍສະເພາະຮ້ານອາຫານຕັ້ງຢູ່ໃກ້ກັບສະຖາ ບັນການ ສຶກສາຂອງພວກເຂົາ.
ນັກຂ່າວພວກເຮົາໄດ້ລົງຕິດຕາມເບິ່ງບັນຫາຕົວຈິງຢູ່ຮ້ານອາຫານເຂດແຄມຂອງໃນບ່າຍວັນທີ 19 ພຶດສະ ພານີ້, ພາຍຫລັງມີເພື່ອນຜູ້ອ່ານທ່ານໜຶ່ງໄດ້ແຈ້ງມາວ່າ: ມີນັກຮຽນ-ນັກສຶກສາຂອງວິທະຍາໄລເຕັກນິກຊື່ດັງຫລາຍຄົນທັງຜູ້ຊາຍ ແລະ ຜູ້ຍິງໃສ່ຊຸດນັກຮຽນພາກັນຕັ້ງວົງດື່ມເບຍຢ່າງສະໜຸກສະໜານຈົນບໍ່ໄປໂຮງຮຽນ ແລະ ຄວາມເປັນຈິງແລ້ວປາກົດການ
ເຊັ່ນນີ້ແມ່ນພົບເຫັນເລື້ອຍໆຢູ່ຕາມຮ້ານອາຫານຕ່າງໆ ແລະ ເປັນບັນຫາຊ່ຳເຮື້ອແກ່ຍາວມາດົນຈົນຍາກທີ່ຈະແກ້ໄຂໄດ້, ສົ່ງຜົນສະທ້ອນບໍ່ດີຕໍ່ວົງການການສຶກສາຂອງປະເທດ ແລະ ຖ້າພວກເຮົາຍັງປະປ່ອຍໃຫ້ສະພາບດັ່ງກ່າວເປັນໄປຕາມກະ ແສສັງຄົມຫລິ້ນກິນຟູມເຟືອຍໂດຍບໍ່ມີມາດຕະການສະກັດກັ້ນຢ່າງຈິງຈັງ, ກໍຍິ່ງຈະເຮັດໃຫ້ໄວໜຸ່ມ, ນັກຮຽນ-ນັກສຶກສາຈຳ ນວນບໍ່ໜ້ອຍຕົກເປັນທາດຂອງສິ່ງມຶນເມົາ ແລະອະໄວຍະມຸກຕ່າງໆ, ບໍ່ເອົາໃຈໃສ່ຕໍ່ການສຶກສາຮ່ຳຮຽນສຸດທ້າຍກໍກ້າວໄປ ສູ່ການປະລະການຮຽນ ແລະ ກາຍເປັນພາລະຂອງພໍ່ແມ່, ຄອບ ຄົວ ແລະ ສັງຄົມ ຄືດັ່ງພວກເຮົາເຫັນສະພາບຕົວຈິງນຳ ກັນໃນປັດຈຸບັນ.
ຂອບໃຈຂ່າວຈາກ: ລາວພັດທະນາ