ຊາວຍີ່ປຸ່ນໃນແຂວງໂອຊາກ້າ ກຽມລົງປະຊາມະຕິໃນມື້ວັນອາທິດທີ 17 ພຶດສະພານີ້ ເພື່ອລົງຄວາມເຫັນວ່າ ເຫັນດີ ຫລື ບໍ່ເຫັນດີ ທີ່ທາງການຍຍີ່ປຸ່ນມີແຜນຕັ້ງແຂວງໂອຊາກ້າ ຂຶ້ນເປັນມະຫານະຄອນ ທຽບເທົ່າກັບນະຄອນຫລວງໂຕກຽວ ຫລື ນິວຢອກ ແລະ ລອນດອນ.
ສຳນັກຂ່າວຕ່າງປະເທດ ລາຍງານໃນວັນທີ 15 ພຶດສະພານີ້ວ່າ ຊາວໂອຊາກ້າກຽມອອກໄປລົງປະຊາມະຕິ ວ່າເຫັນດີ ຫລື ບໍ່ເຫັນດີ ກັບແຜນການດັ່ງກ່າວ ໃນມື້ວັນອາທິດທີ 17 ພຶດສະພານີ້ ເນື່ອງຈາກແຂວງໂອຊາກ້າ ເປັນເຂດທີ່ມີພື້ນຖານເສດຖະກິດສຳຄັນທີ່ສຸດ ອັນດັບ 2 ຂອງຍີປຸ່ນ ໂດຍຜູ້ສະໜັບສະໜູນແນວຄິດດັ່ງກ່າວນີ້ເຫັນວ່າ ການຈັດຕັ້ງມະຫານະຄອນໂອຊາກ້າຂຶ້ນ ຈະເປັນການຫລຸດຄວາມຊ້ຳຊ້ອນໃນການບໍລິຫານລັດ ອີກທັງຍັງຈະເປັນການສ້າງພາບພົດຂອງເມືອງໃຫ້ສູງຂຶ້ນ ດຶງດູດນັກລົງທຶນ ແລະ ການຈັດງານກິລາທັງຫລາຍອີກດ້ວຍ.