ຮູບສະຫລັກຫີນບູຮານ ທີ່ຖືກລັກອອກໄປຈາກກຳປູເຈຍ ຖືກສົ່ງກັບຄືນສູ່ປະເທດແລ້ວ ໃນຄືນວັນອາທິດ ທີ 10 ພຶດສະພາຜ່ານມາ ຫລັງຈາກຖືກນຳໄປສະແດງຢູ່ພິພິທະພັນ ຄລິບແລນ ລັດໂອໄຮໂອ ສະຫະລັດອາເມຣິກາ ດົນເຖິງ 33 ປີ.
ທາງການກຳປູເຈຍໄດ້ຈັດພິທີທາງພຸດທະສາສະໜາ ທີ່ສະໜາມບິນສາກົນພະນົມເປັນ ເພື່ອຕ້ອນຮັບການກັບມາ ຂອງຮູບສະຫລັກຫີນ ຫະນຸມານ ໃນທ່າຄູ້ເຂົ່າ ສູງ 1.1 ແມັດ ແລະ ໜັກ 370 ກິໂລກຣາມ.
ເຈົ້າໜ້າທີ່ກຳປູເຈຍລາຍງານວ່າ ຮູບສະຫລັກຫີນດັ່ງກ່າວນີ້ ສ້າງສະໄໝຕະຕະວັດທີ X ໄດ້ຖືກລັກໄປຈາກຜາສາດເກາະແກຣ ໃນແຂວງພຣະວິຫານ ຫ່າງຈາກຊາຍແດນກຳປູເຈຍ – ໄທ ປະມານ 15 ກິໂລແມັດ ໃນລະຫວ່າງຊ່ວງສົງຄາມກາງເມືອງ ຊຸມປີ 1970 ແລະ ໄດ້ຖືກນຳໄປຈັດວາງສະແດງຢູ່ໃນພິພິທະພັນສີລະປະຄລີບແລນ ຕັ້ງແຕ່ປີ 1982.
