spot_img
Homeຂ່າວພາຍ​ໃນສື່ໄທລາຍງານ ກໍລະນີພະນັກງານ ທ​ຄ​ຕ​ລ ຍັກຍອກເງິນ 15 ລ້ານບາດ ແລ້ວຫລົບໜີໄປລີ້ຢູ່ໄທ!

ສື່ໄທລາຍງານ ກໍລະນີພະນັກງານ ທ​ຄ​ຕ​ລ ຍັກຍອກເງິນ 15 ລ້ານບາດ ແລ້ວຫລົບໜີໄປລີ້ຢູ່ໄທ!

Published on

1037798

ສື່ມວນຊົນຂອງໄທຍັງສືບຕໍ່ລາຍງານຂ່າວຢ່າງໃກ້ສິດ ກໍລະນີທ້າວ ອະທິວາ ເກດຕະວົງ ພະນັກງານຂອງທະນາ ຄານ ການຄ້າແຫ່ງປະເທດລາວມະຫາຊົນສາຂາ ແຂວງສະຫວັນນະ ເຂດ ໄດ້ຍັກຍອກເອົາເງິນຂອງທະນາຄານດັ່ງກ່າວຈຳນວນ 15 ລ້ານບາດ (ສະກຸນເງິນໄທ) ແລ້ວຫລົບໜີໄປລີ້ຢູ່ປະເທດໄທ ແລະ ເມື່ອບໍ່ດົນມານີ້, ສະຖານີໂທລະພາບຊ່ອງ 7 ສີ ຂອງໄທ ກໍໄດ້ລາຍງານຄວາມຄືບໜ້າຂອງຄະດີດັ່ງກ່າວ, ໂດຍໄດ້ອ້າງອີງການລາຍງານ ຂໍ້ມູນຈາກເຈົ້າໜ້າທີ່ ຕຳຫລວດຈັງ ຫວັດມຸກດາຫານ ທີ່ຮັບຜິດຊອບຄະດີດັ່ງກ່າວວ່າ: ພາຍຫລັງທະນາຄານການຄ້າ ແຫ່ງປະເທດລາວມະຫາ ຊົນໄດ້ກວດສອບ ຂໍ້ມູນລະອຽດພົບວ່າທ້າວ ອະທິວາ ເກດຕະວົງ ພະນັກງານ ຂອງທະນາຄານສາຂາປະຈຳແຂວງສະ ຫວັນນະເຂດໄດ້ຍັກຍອກ ເງິນຈຳນວນ 15 ລ້ານບາດ, ຈຶ່ງຂໍໃຫ້ ເຈົ້າໜ້າທີ່ຕຳຫລວດຈັງຫວັດມຸກດາຫານເລັ່ງສືບສວນ-ສອບສວນ ແລະ ຈັບຕົວຜູ້ກ່ຽວ ສົ່ງມາລາວ ເພື່ອດຳເນີນຄະດີ ແລະ ເອົາເງິນຄືນມາທະນາຄານ, ແຕ່ຜ່ານການສືບສວນຮູ້ວ່າ: ສ່ວນເງິນທີ່ເອົາໄປ
ນັ້ນພົບວ່າຜູ້ ກ່ຽວໄດ້ໄປຊື້ດິນ ແລະ ລົງທຶນປະກອບກິດຈະການຮ້ານອາຫານໃນແຂວງສະຫວັນະເຂດ, ຂະນະທີ່ຕຳຫລວດແຂວງມຸກດາຫານໄດ້ປະສານໄປຫາເຈົ້າໜ້າທີ່ຕຳຫລວດໃນແຂວງໃກ້ຄຽງ ທີ່ຄາດ ວ່າຜູ້ກ່ຽວຈະໃຊ້ເປັນເສັ້ນທາງຫລົບໜີ ແລະ ຫາຂໍ້ມູນເພີ່ມ ຕື່ມວ່າຜູ້ກ່ຽວມີຄົນຮູ້ຈັກ ຫລື ຍາດພີ່ ນ້ອງອາໄສຢູ່ປະເທດໄທຫລືບໍ່, ແຕ່ກໍຍັງບໍ່ທັນພົບເຫັນ.

ແນວໃດກໍຕາມ, ພາຍຫລັງທີ່ມີການລາຍງານຄວາມຄືບໜ້າດັ່ງກ່າວອອກມາ, ກໍໄດ້ມີການເຜີຍແຜ່ຕໍ່ຢ່າງກວ້າງຂວາງໃນ ສື່ສັງຄົມອອນລາຍ ແລະ ໄດ້ມີຜູ້ທີ່ເຂົ້າໄປສະແດງຄວາມຄິດເຫັນຫລາຍສົມຄວນ, ໂດຍສະເພາະຢາກໃຫ້ທະນາຄານ ການຄ້າແຫ່ງປະເທດລາວມະຫາຊົນ ອອກມາຊີ້ແຈງຄວາມເປັນຈິງ ແລະ ກວດສອບໃຫ້ລະອຽດວ່າມີໃຜແດ່ ທີ່ຮ່ວມໃນຂະ ບວນການສໍ້ໂກງຄັ້ງນີ້, ເພາະວ່າທະນາຄານການຄ້າແຫ່ງປະເທດລາວເປັນທະນາຄານມະຫາຊົນ, ເຊິ່ງມີລູກຄ້າຊື້ຮຸ້ນເປັນຈຳ ນວນຫລາຍຈຶ່ງຕ້ອງມີການອອກມາອະທິບາຍຊີ້ແຈງຕໍ່ສາທາລະນະຊົນໄດ້ຮັບຮູ້.

 

ແຫລ່ງ​ຂ່າວ: ລາວ​ພັດ​ທະ​ນາ

 

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...