ອົງການອາຫານໂລກ ຮ່ວມມືກັບລັດຖະບານເນປານ ສ້າງສາງເກັບອາຫານທີ່ຈະຈັດສົ່ງໄປຊ່ວຍເຫລືອຜູ້ປະສົບໄພແຜ່ນດິນໄຫວ.
ສຳນັກຂ່າວຕ່າງປະເທດ ລາຍງານໃນວັນທີ 6 ພຶດສະພານີ້ວ່າ ອົງການອາຫານໂລກ ລຫື WFP ໄດ້ຮ່ວມມືກັບລັດຖະບານເນປານ ພ້ອມກັບເຈົ້າໜາທີ່ປະເທດພັນທະມິດ ເຊັ່ນ ສປ ຈີນ ແລະ ອົງການທີ່ບໍ່ສັງກັດລັດຖະບານ ຫລື NGO ເພື່ອສ້າງສາງເກັບອາຫານຂະໜາດໃຫຍ່ ສຳລັບຮອງຮັບວັດຖຸສິ່ງຂອງທີ່ໄດ້ຮັບຈາກການບໍລິຈາກ ເພື່ອສົ່ງຕໍ່ໄປຍັງພື້ນທີ່ທີ່ໄດ້ຮັບຜົນກະທົບຈາກເຫດແຜ່ນດິນໄຫວ ໂດຍສາງເກັບອາຫານດັ່ງກ່າວ ຈະສ້າງຂຶ້ນໃນເຂດພື້ນທີ່ສະໜາມບິນທິບພູວານ ແລ້ວນຳໃຊ້ເຮືອບິນເຮລິຄັອບເຕີ້ 3 ລຳ ເປັນພາຫະນະໃນການລຳລຽງຈັດສົ່ງອາຫານ ພ້ອມທັງສິ່ງຂອງຊ່ວຍເຫລືອອື່ນໆໄປຍັງພື້ນທີ່ປະສົບໄພ, ພ້ອມກັນນີ້ ຍັງກຽມທີ່ຈະເພີ່ມຈຳນວນເຮືອບິນເຮລິຄັອບເຕີ້ຂົນສົ່ງ ເພີ່ມຂຶ້ນໃນອານາຄົດອີກດ້ວຍ.