ຜູ້ໃຊ້ເຟສບຸກຜູ້ໜຶ່ງຊື່ ນຸດ ຫຼ້ານິດຕາ ສູນສະຫວັດ ໄດ້ໂພສຂໍ້ຄວາມເລົ່າເຖິງເຫດການ ທີ່ເກີດຂຶ້ນກັບໂຕເອງ ເພື່ອເຕືອນສັງຄົມ ເຊິ່ງນາງໄດ້ເລົ່າວ່າ ” ຂ້ອຍແລະເອື້ອຍຂ້ອງຂ້ອຍໄດ້ກັບຈາກງານສູ່ຂວັນ ບ້ານອຸດົມຜົນ ໄດ້ຂີ່ລົດມາທາງສີ່ແຍກຕະຫຼາດຫຼັກ 19 ບ້ານໂນນສະອາດທີ່ມາຊອດທາງນາທົ່ມ (ເສັ້ນທາງຕັດໃໝ່ ຈາກດົງໂດກ-ທາງໄປທ່າງ່ອນ) ມາກາຍຮ້ານອາຫານຈຳໂບຫນ້ອຍຫນຶ່ງ ແລ້ວໄດ້ມີຫຍັງບາງຢ່າງບີນມາໃສ່ແວ່ນ ບ່ອນຂ້າງຄົນຂັບ ເບື້ອງຕົ້ນບໍ່ຮູ້ວ່າແມ່ນຫຍັງ ມັນແຮງຫລາຍຈົນເຮັດໃຫ້ແວ່ນຂ້າງແຕກ ເອື້ອຍຂ້ອຍກະເລີຍຢຸດລົດຄິດວ່າຊິລົງເບິ່ງ ແຕ່ແຖວນັ້ນມັນປ່ຽວຫຼາຍ ບໍ່ມີລົດຈັກຄັນກາຍແຖວນັ້ນ ຂ້ອຍບອກເອື້ອຍຂ້ອຍວ່າຢ່າຢຸດລົດເດັດຂາດ ຂີ່ໄປກ່ອນໂລດເຫັນບ້ານຄົນຈຶ່ງຈອດ ຫຼັງຈາກນັ້ນໄດ້ຂີ່ລົດກາຍມາເຫັນບ້ານຄົນ ຈຶ່ງຈອດແລະໄດ້ໂທຫາຕຳຫຼວດບ້ານ ຫຼັງຈາກນັ້ນຈຶ່ງໄດ້ກັບໄປບ່ອນເກີດເຫດ ພ້ອມກັບຕຳຫຼວດບ້ານ ໄປກວດເບິ່ງຈຶ່ງຮູ້ວ່າສີ່ງທີ່ຖືກແກວ່ງມາໃສ່ນັ້ນ ແມ່ນກວດແກ້ວຊອດຫມາກເລັ່ນ ມີຄົນລີ້ຢູ່ຂ້າງທາງແກວ່ງໃສ່ ເພາະແຖວນັ້ນມັນປ່ຽວຫລາຍ ຂ້ອຍຄິດວ່າແມ່ນໂຈນທີ່ເຂົາຫວັງຈະປຸ້ນເອົາຊັບສິນ ເພາະວ່າງ 2-3 ມື້ຫຼັງນີ້ກະມີໂຈນປຸ້ນເອົາລົດວີໂກແລ້ວ ຈຸດເກີດເຫດແມ່ນບ່ອນດຽວກັນເລີຍ ແຖວນັ້ນມີຄົນຖືກປຸ້ນເລື້ອຍໆ ມັນຄົງຊິຫວັງດຶກກວດແກ້ວໃຫ້ຖືກຄົນຂັບ ເຮັດໃຫ້ຄົນຂັບບາດເຈັບຢຸດລົດແລ້ວມັນຊິປຸ້ນ ທາງເສັ້ນນີ້ມັນມືດແລະປ່ຽວຫຼາຍ ຈຶ່ງຢາກໃຫ້ທຸກຄົນທີ່ໃຊ້ເສັ້ນທາງນັ້ນ ໃຫ້ມີສະຕິລະວັງຕົວ ຖ້າຫາກພົບເຫດແບບນີ້ຫ້າມລົງຈາກລົດເດັດຂາດ ໃຫ້ຂີ່ກາຍໄປບ່ອນມີຄົນຫລາຍຈຶ່ງຈອດລົດ ທັງນີ້ກໍເພື່ອຄວາມປອດໄພຂອງໂຕທ່ານເອງ.