ເກີດເຫດລົດເມປະສົບອຸບັດເຫດຕົກໄຫລ່ທາງ ໃນຂະນະກຳລັງເດີນທາງຢູ່ພາກກາງປະເທດອິນເດຍ ໄຟໄໝ້ລຸກຖ້ວມລົດ ຜູ້ໂດຍສານຖືກເຜົາທັງເປັນ ເສຍຊີວິດ 21 ຄົນ.
ສຳນັກຂ່າວຕ່າງປະເທດ ລາຍງານໃນວັນທີ 5 ພຶດສະພາຜ່ານມານີ້ວ່າ ອຸບັດເຫດດັ່ງກ່າວເກີດຂຶ້ນໃນວັນທີ 4 ພຶດສະພາຜ່ານມາ ທີ່ເຂດປັນນາ ລັດມັດທະຍະປະເທດ ໂດຍທ່ານ ວິກຣຳ ສິງ ເຈົ້າໜ້າທີ່ຕຳຫລວດທ້ອງຖິ່ນໄດ້ເປີດເຜີຍວ່າ ພົບສົບຜູ້ເສຍຊີວິດທັງໝົດ 21 ຄົນ ແລະ ມີຜູ້ໄດ້ຮັບບາດເຈັບອີກ 14 ຄົນ ໃນຂະນະທີ່ສາເຫດຂອງອຸບັດເຫດດັ່ງກ່າວ ແມ່ນກຳລັງຢູ່ໃນການສືບສວນ.