- ຄວນຊື້ເຄື່ອງສຳອາງຈາກຮ້ານທີ່ມີສະຖານທີ່ຈຳໜ່າຍທີ່ເປັນຫລັກແຫລ່ງແນ່ນອນເພາະຫາກມີບັນຫາຈະໄດ້ສາມາດຕິດຕໍ່ກັບໄດ້
- ຊື້ເຄື່ອງສຳອາງທີ່ມີສະຫລາກທີ່ລະບຸຄວາມສຳຄັນຄົບຖ້ວນໄດ້ແກ່,ຊື່,ປະເພດຂອງເຄື່ອງສຳອາງ ສ່ວນປະກອບ,ຊື່ແລະທີ່ຕັ້ງຂອງຜູ້ຜະລິດຫລືຜູ້ນຳເຂົ້າເດືອນປີທີ່ຜະລິດ,ວິທີໃຊ້ແລະປະລິມານສຸດທິເປັນຕົ້ນ
- ຫາກຈະໃຊ້ເຄື່ອງສຳອາງຊະນິດໃດເປັນເທື່ອທຳອິດກໍຄວນທົດສອບການແພ້ກ່ອນໃຊ້ດ້ວຍການທາຜະລິດຕະພັນນັ້ນໃນປະລິມານນ້ອຍທີ່ບໍລິເວນທ້ອງແຂນຫລືບໍລິເວນຕິ່ງຫູແລ້ວປະໄວh24-48 ຊົ່ວໂມງຫາກບໍ່ມີຄວາມຜິດປົກກະຕິໃດໆເກີດຂຶ້ນກໍສະແດງວ່າໃຊ້ເຄື່ອງສຳອາງນັ້ນໄດ້
- ປະຕິບັດຕາມວິທີໃຊ້ທີ່ລະບຸໄວ້ແລະໃຊ້ດ້ວຍຄວາມລະມັດລະວັງຕາມຄຳເຕືອນທີ່ລະບຸໄວ້ທີ່ສະຫລາກຢ່າງເຄັ່ງຄັດ
- ຫາກໃຊ້ເຄື່ອງສຳອາງໃດແລ້ວມີຄວາມຜິດປົກກະຕິເກີດຂຶ້ນບໍ່ວ່າຈະເປັນການໃຊ້ເທື່ອທຳອິດຫລືໃຊ້ມາໄລຍະໜື່ງແລ້ວກໍຕາມຕ້ອງຢຸດໃຊ້ທັນທີແລະຖ້າຢຸດໃຊ້ແລ້ວອາການຍັງບໍ່ດີຂຶ້ນກໍຄວນປຶກສາແພດ ເພື່ອຫາສາເຫດແລະກໍ່ການປິ່ນປົວໃຫ້ຖືກຕ້ອງເໝາະສົມຕໍ່ໄປ
- ເມື່ອໃຊ້ເຄື່ອງສຳອາງສຳເລັດແລ້ວຄວນປິດພາຊະນະບັນຈຸໃຫ້ແໜ້ນເພື່ອປ້ອງກັນການປົນເປື້ອນ
- ເກັບເຄື່ອງສຳອາງໄວ້ໃນບ່ອນແຫ້ງເຢັນບໍ່ຖືກຄວາມຮ້ອນຫລືແສງແດດເພາະຄວາມຮ້ອນຫລືແສງແດດຈະເຮັດໃຫ້ເຄື່ອງສຳອາງເສື່ອມຄຸນນະພາບໄວກວ່າທີ່ຄວນ
- ຫ້າມເຕີມສານໃດໆລົງໃນເຄື່ອງສຳອາງຍົກເວັ້ນກໍລະນີທີ່ລະບຸໄວ້ທີ່ສະຫລາກເພາະຈະເຮັດໃຫ້ຄຸນນະພາບຂອງຜະລິດຕະພັນປ່ຽນແປງໄປເກີດການປົນເປື້ອນຈາກສານອື່ນໆລວມທັງເຊື້ອພະຍາດດ້ວຍ
- ຢ່າໃຊ້ເຄື່ອງສຳອາງຮ່ວມກັບຜູ້ອື່ນເພາະອາດຕິດເຊື້ອພະຍາດໄດ້
- ຫາກເຄື່ອງສຳອາງມີລັກສະນະປ່ຽນແປງໄປບໍ່ວ່າສີກິ່ນຫລືຄວາມຂັ້ນຢ່າໄປເສຍດາຍໃຫ້ຖິ້ມໄປເລີຍ ເພາະສະແດງວ່າເຄື່ອງສຳອາງນັ້ນເສື່ອມຄຸນນະພາບແລ້ວນັ້ນເອງຢ່າຫລົງເຊື່ອໂຄສະນາເຄື່ອງສຳອາງເກີນຈິງຜູ້ບໍຫລິໂພກຄວນໃຊ້ຫລັກຢ່າຫລົງເຊື່ອງາຍຢ່າໜ່າຍກວດສອບຕ້ອງອ່ານສະຫລາກສອບຖາມຜູ້ຮູ້ກວດສອບສິນຄ້າເງື່ອນໄຂໃຫ້ຊັດເຈັນປະກອບການພິຈາລະນາກ່ອນເລືອກຊື້