ປະທານາທິບໍດີກາຊັກສະຖານ ຊະນະການເລືອກຕັ້ງຊິງຕຳແໜ່ງຜູ້ນຳປະເທດ ເປັນສະໄໝທີ 5 ໂດຍໄດ້ຄະແນນສຽງຖະຫລົ່ມທະລາຍເກືອບ 100%.
ສຳນັກຂ່າວຕ່າງປະເທດ ລາຍງານໃນວັນທີ 27 ເມສານີ້ວ່າ ທ່ານ ນູສຸລະຕ່ານ ນາຊາບາເຢັບ ປະທານາທິບໍດີແຫ່ງປະເທດກາຊັກສະຖານ ໄດ້ຮັບໄຊຊະນະຈາກການເລືອກຕັ້ງປະທານາທິບໍດີ ເຊິ່ງຈັດຂຶ້ນເມື່ອວັນອາທິດທີ 26 ເມສາຜ່ານມານີ້ ໂດຍໄດ້ຮັບຄະແນນສຽງເຖິງ 97.5% ດຳລົງຕຳແໜ່ງເປັນປະທານາທິບໍດີກາຊັກສະຖານ ເປັນສະໄໝທີ 5 ຕິດຕໍ່ກັນ.
ຄະນະກຳມະການເລືອກຕັ້ງຂັ້ນສູນກາງ ແຫ່ງກາຊັກສະຖານໄດ້ອ້າງວ່າ ການເລືອກຕັ້ງໃນມື້ວັນອາທິດທີ່ຜ່ານມາ ມີຜູ້ອອກມາໃຊ້ສິດເລືອກຕັ້ງເຖິງ 95.11% ຂອງຜູ້ມີສິດລົງຄະແນນສຽງທັງໝົດ ແລະ ຜົນການເລືອກຕັ້ງເບື້ອງຕົ້ນ ຈະປະກາດຢ່າງເປັນທາງການໃນວັນຈັນນີ້.