ອາ​ຊຽນ ແລະ ສະ​ຫະ​ພາບ​ເອີ​ຣົບ ຕົກ​ລົງ​ກັນ​ທີ່​ຈະ​ຟື້ນ​ຟູ​ການ​ເຈ​ລະ​ຈາ ກ່ຽວ​ກັບ​ຂໍ້​ຕົກ​ລົງ​ເຂດ​ການ​ຄ້າ​ເສ​ລີ​ລະ​ຫວ່າງ​ສອງ​ພາກ​ພື້ນ​ອີກ​ເທື່ອ​ໜຶ່ງ.

ສຳ​ນັກ​ຂ່າວ​ຕ່າງ​ປະ​ເທດ​ ລາຍ​ງານ​ໃນ​ວັນ​ທີ 26 ເມ​ສາ​ຜ່ານ​ມາ​ນີ້​ວ່າ ອາ​ຊຽນ ແລະ ສະ​ຫະ​ພາບ​ເອີ​ຣົບ ເຊິ່ງ​ເຄີຍ​ຫາ​ລື​ກ່ຽວ​ກັບ​ຂໍ້​ຕົກ​ລົງ​ການ​ຄ້າ​ເສ​ລີ​ຮ່ວມ​ກັນ ໃນ​ປີ 2007 ແຕ່​ໄດ້​ຍົກ​ຢຸດ​ຕິ​ລົງ​ໃນ​ປີ 2009 ເນື່ອງ​ຈາກ​ບໍ່​ສາ​ມາດ​ຕົກ​ລົງ​ກັນ​ໄດ້ ໂດຍ​ສະ​ເພາະ​ກ່ຽວ​ກັບ​ຄວາມ​ວິ​ຕົກ​ກັງ​ວົນ​ຂອງ​ສະ​ຫະ​ພາບ​ເອີ​ຣົບ ຕໍ່​ບັນ​ຫາ​ການ​ລະ​ເມີດ​ສິດ​ທິ​ມະ​ນຸດ​ໃນ​ມຽນ​ມາ.

ລ່າ​ສຸດ​ໃນ​ມື້​ວັນ​ທີ 26 ເມ​ສາ​ຜ່ານ​ມາ​ນີ້ ສອງ​ຝ່າຍ​ໄດ້​ຕົກ​ລົງ​ກັນ​ທີ່​ຈະ​ຫາ​ລື​ເພື່ອ​ພິ​ຈາ​ລະ​ນາໃນ​ທ້າຍ​ປີ​ນີ້ ເພື່ອ​ກະ​ກຽມ​ໃຫ້​ແກ່​ການ​ຕົກ​ລົງ​ເຂດ​ການ​ຄ້າ​ເສ​ລີ​ລະ​ຫວ່າງ​ສອງ​ພາກ​ພື້ນ​, ເນື່ອງ​ຈາກ​ສະ​ຫະ​ພາບ​ເອີ​ຣົບ ເປັນ​ຄູ່​ຄ້າ​ລາຍ​ໃຫຍ່​ອັນ​ດັບ​ສອງ​ຂອງ​ອາ​ຊຽນ ດ້ວຍ​ມູນ​ຄ່າ​ການ​ຄ້າ​ລວມ 248,000 ລ້ານ​ໂດ​ລາ​ສະ​ຫະ​ລັດ ໃນ​ປີ 2014.