ກຸ່ມຕໍລີບັນໃນອັບການິສະຖານ ປະກາດປະຕິບັດການໂຈມຕີທົ່ວປະເທດອັບການິສະຖານ ໂດຍຈະເລີ່ມຂຶ້ນໃນມື້ອື່ນນີ້ (24 ເມສາ).
ສຳນັກຂ່າວຕ່າງປະເທດລາຍງານວ່າ ໃນວັນທີ 22 ເມສາທີ່ຜ່ານມາ ກຸ່ມຕໍລີບັນ ໄດ້ອອກມາປະກາດວ່າ ຈະເລີ່ມເປີດສາກປະຕິບັດການບຸກໂຈມຕີປະຈຳປີ ໃນວັນສຸກທີ 24 ເມສານີ້ ໂດຍລະບຸວ່າ ຈະທຳການໂຈມຕີທົ່ວປະເທດອັບການິສະຖານ ເຊິ່ງການບຸກໂຈມຕີໃນຮອບນີ້ ແມ່ນຈະເປັນເທື່ອທຳອິດ ທີ່ກອງທັບອັບອານິສະຖານ ຈະເປັນຜູ້ຮັບມືການໂຈມຕີຕາມລຳພັງ ໂດຍບໍ່ໄດ້ຮັບການສະໜັບສະໜູນຈາກກອງກຳລັງຕ່າງປະເທດ ທີ່ມີສະຫະລັດອາເມຣິກາເປັນແກນນຳ.
ທັງນີ້ ກຸ່ມຕໍລີບັນ ເລີ່ມການໂຈມຕີປະຕິບັດການໂຈມຕີໄປແລ້ວບາງສ່ວນ ໃນຊ່ວງຫລາຍອາທິດທີ່ຜ່ານມາ ເຮັດໃຫ້ມີພົນລະເມືອງ ແລະ ກອງກຳລັງຄວາມໝັ້ນຄົງຂອງລັດຖະບານອັບການິສະຖານ ເສຍຊີວິດເປັນຈຳນວນຫລາຍ, ເນື່ອງຈາກກອງກຳລັງນາໂຕ້ ໄດ້ຢຸດຕິປະຕິບັດການສູ້ຮົບກັບກຸ່ມຕໍລີບັນ ໃນປະເທດອັບການິສະຖານໄປແລ້ວຢ່າງເປັນທາງການ ໃນເດືອນທັນວາປີ 2014 ທີ່ຜ່ານມາ ໂດຍປະຕິບັດການບຸກໂຈມຕີປະຈຳປີ ຂອງກຸ່ມຕໍລີບັນໃນຄັ້ງນີ້ ຄາດວ່າຈະເປັນການສູ້ຮົບນອງເລືອດທີ່ສຸດ ໃນຮອບທົດສະວັດ.