ເກີດ​ເຫດ​ລະ​ເບີດ​ຂະ​ບວນ​ລົດ​ເຈົ້າ​ໜ້າ​ທີ່​ສະ​ຫະ​ປະ​ຊາ​ຊາດ ໃນ​ປະ​ເທາດ​ໂຊ​ມາ​ລີ ເຈົ້າ​ໜ້າ​ທີ່​ສິດ​ທິ​ເດັກ ເສຍ​ຊີ​ວິດ 7 ຄົນ ບາດ​ເຈັບ​ສາ​ຫັດອີກ 7 ຄົນ.

ສຳ​ນັກ​ຂ່າວ​ຕ່າງ​ປະ​ເທດ ລາຍ​ງານ​ໃນ​ວັນ​ທີ 20 ເມ​ສາຜ່ານ​ມາ​ນີ້​ວ່າ ເກີດ​ເຫດ​ລະ​ເບີດ​ໂຈມ​ຕີ​ຂະ​ບວນ​ຍານ​ພາ​ຫະ​ນະ ຂອງ​ເຈົ້າ​ໜ້າ​ທີ່​ສະ​ຫະ​ປະ​ຊາ​ຊາດ​ໃນ​ປະ​ເທດ​ໂຊ​ມາ​ລີ ເຮັດ​ໃຫ້​ມີ​ເຈົ້າ​ໜ້າ​ທີ່​ເສຍ​ຊີ​ວິດ 7 ຄົນ ແລະ ບາດ​ເຈັບ​ອີກ 7 ຄົນ ໂດຍ​ເຫດ​ດັ່ງ​ກ່າວ​ເກີດ​ຂຶ້ນພາຍ​ໃນ 3 ນາ​ທີ ລະ​ຫວ່າງ​ທີ່​ລົດ​ຕູ້​ໄດ້​ໂດຍ​ສານ​ເຈົ້າ​ໜ້າ​ທີ່​ສິດ​ທິ​ເດັກ​ຂອງ​ອົງ​ການ​ສະ​ຫະ​ປະ​ຊາ​ຊາດ ອອກ​ຈາກ​ທີ່​ພັກ ເພື່ອ​ໄປ​ຍັງ​ສຳ​ນັກ​ງານ​ເພື່ອ​ເຮັດ​ວຽກ.

ທັງ​ນີ້ ຍັງ​ບໍ່​ທັນ​ມີ​ການ​ລະ​ບຸ​ສັນ​ຊາດ​ຂອງ​ເຈົ້າ​ໜ້າ​ທີ່ ທີ່​ປະ​ສົບ​ເຫດ​ລະ​ເບີດ​ໂຈມ​ຕີ​ດັ່ງ​ກ່າວ ແລະ ຍັງ​ບໍ່​ທັນ​ມີ​ລາຍ​ງານ​ວ່າ ກຸ່ມ​ໃດ​ເປັນ​ຜູ້​ຢູ່​ເບື້ອງ​ຫລັງ​ຂອງ​ການ​ໂຈມ​ຕີ​ຄັ້ງ​ນີ້.