ແມ່ຕູ້ ເກີທຣູດ ວີເວີ ອາຍຸ 116 ປີ ຊາວອາເມຣິກັນ ເສຍຊີວິດຈາກພະຍາດປອດບວມ ຫລັງຮັບຕຳແໜ່ງອາຍຸຍືນທີ່ສຸດໃນໂລກໄດ້ພຽງ 6 ມື້.
ສຳນັກຂ່າວຕ່າງປະເທດ ລາຍງານໃນວັນທີ 7 ເມສາຜ່ານມານີ້ວ່າ ແມ່ຕູ້ ເກີທຣູດ ວີເວີ ອາຍຸ 116 ປິ ອາໄສຢູ່ລັດອາກັນຊໍ ສະຫະລັດອາເມຣິກາ ໄດ້ເສຍຊີວິດລົງແລ້ວ ດ້ວຍພາວະແຊກຊ້ອນຈາກພະຍາດປອດບວມ ໃນເວລາ 10 ໂມງເຊົ້າ ຂອງວັນຈັນທີ 6 ເມສາຜ່ານມາ ຕາມເວລາທ້ອງຖິ່ນຢູ່ສະຫະລັດ ຫລັງຈາກທີ່ແມ່ຕູ້ ຫາກໍໄດ້ຮັບຕຳແໜ່ງບຸກຄົນທີ່ມີອາຍຸຍືນຍາວທີ່ສຸດໃນໂລກ ຈາກກິນເນັສ ເວີນ ເຣັກຄອດ ຄົນໃໝ່ໄດ້ພຽງ 6 ມື້.
ແມ່ຕູ້ ວີເວີ ໄດ້ຮັບຕຳແໜ່ງບຸກຄົນທີ່ມີອາຍຸຍືນທີ່ສຸດໃນໂລກຄົນໃໝ່ ແທນແມ່ຕູ້ ມິຊາໂອະ ໂອງາວະ ຊາວຍີ່ປຸ່ນ ທີ່ຫາກໍເສຍຊີວິດລົງຢ່າງສະຫງົບ ໃນອາທິດທີ່ຜ່ານມາ.