ແມ່​ຕູ້ ມິ​ຊາ​ໂອະ ໂອ​ກາ​ວະ ຍິງ​ອາ​ຍຸ 117 ປີ ຊາວ​ຍີ່​ປຸ່ນ ເຈົ້າ​ຂອງ​ສະ​ຖິ​ຕິ​ອາ​ຍຸ​ຍືນ​ທີ່​ສຸດ​ໃນ​ໂລກ ເສຍ​ຊີ​ວິດ​ແລ້ວ​ມື້​ວານ​ນີ້ (1 ເມ​ສາ) ຈາກ​ພາ​ວະ​ຫົວ​ໃຈ​ລົ້ມ​ເຫລວ.

ສຳ​ນັກ​ຂ່າວ​ຕ່າງ​ປະ​ເທດ ລາຍ​ງານ​ໃນ​ວັນ​ທີ 1 ເມ​ສາ​ຜ່ານ​ມາ​ນີ້​ວ່າ ແມ່​ຕູ້ ມິ​ຊາ​ໂອະ ໂອ​ກາ​ວະ ອາ​ຍຸ 117 ປີ ຊາວ​ຍີ່​ປຸ່ນ ເຊິງ​ໄດ້​ຮັບ​ການ​ບັນ​ທຶກ​ສະ​ຖິ​ຕິ​ໂລກ ຈາກ​ກິນ​ເນັ​ສ​ບຸ໊ກ ໃນ​ປີ 2013 ວ່າ​ເປັນ​ຜູ້​ທີ່​ມີ​ອາ​ຍຸ​ຫລາຍ​ທີ່​ສຸດ​ໃນ​ໂລກ ໄດ້​ເສຍ​ຊີ​ວິດ​ລົງ​ແລ້ວ ໃນ​ມື້​ວັນ​ທີ 1 ເມ​ສາຜ່ານ​ມາ ຈາກ​ພາ​ວະ​ຫົວ​ໃຈ​ລົ້ມ​ເຫລວ ໂດຍທາງ​ເຈົ້າ​ໜ້າ​ທີ່​ບ້ານ​ພັກ​ຄົນ​ຊະ​ລາທີ່​ແມ່​ຕູ້​ອາ​ໄສ​ຢູ່ໄດ້​ລະ​ບຸ​ວ່າ ແມ່​ຕູ້​ເລີ່ມ​ຮັບ​ປະ​ທານ​ອາ​ຫານ​ໜ້ອຍ​ລົງ ນັບ​ຕັ້ງ​ແຕ່ 10 ມື້​ກ່ອນ​ໜ້​າ​ນີ້ ກ່ອນ​ທີ່​ຈະ​ມາ​ເສຍ​ຊີ​ວິດ​ລົງ​ຢ່າງ​ສະ​ຫງົບ​.