spot_img
Homeຂ່າວພາຍ​ໃນທ່ານນາຍົກລັດຖະມົນຕີ ຕ້ອນຮັບລັດຖະມົນຕີການຕ່າງປະເທດອົດສະຕຣາລີ

ທ່ານນາຍົກລັດຖະມົນຕີ ຕ້ອນຮັບລັດຖະມົນຕີການຕ່າງປະເທດອົດສະຕຣາລີ

Published on

ທ່ານນາຍົກລັດຖະມົນຕີ ຕ້ອນຮັບລັດຖະມົນຕີການຕ່າງປະເທດອົດສະຕຣາລີ

 

ວັນທີ 20 ກຸມພາ 2013 ທີ່ຫ້ອງວ່າການລັດຖະບານ ທ່ານ ທອງສິງ ທຳມະວົງ ນາຍົກລັດຖະມົນຕີ ໄດ້ຕ້ອນຮັບການເຂົ້າຢ້ຽມຂໍ່າ
ນັບຂອງທ່ານ ບ໋ອບ ຄາ ສະມາຊິກສະພາສູງ ລັດຖະມົນຕີວ່າການ ກະຊວງການຕ່າງປະເທດ ອົດສະຕຣາລີ ພ້ອມຄະນະ ໃນໂອ
ກາດທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ແຕ່ວັນທີ 18-20 ກຸມພານີ້.
ໂອກາດດັ່ງກ່າວ ທ່ານນາຍົກລັດຖະມົນຕີ ໄດ້ສະແດງຄວາມຕ້ອນຮັບ ແລະ ຊົມເຊີຍຕໍ່ການເດີນທາງມາຢ້ຽມຢາມ ສປປ ລາວ
ຂອງທ່ານລັດຖະມົນຕີວ່າການ ກະຊວງການຕ່າງປະເທດ ອົດສະຕຣາລີ ຄັ້ງນີ້ ຈະເປັນການປະກອບສ່ວນອັນສຳຄັນ ເຂົ້າໃນການ
ເພີ່ມທະວີຮັດແໜ້ນການພົວພັນມິດຕະພາບ ແລະ ການຮ່ວມມືອັນດີ ລະຫວ່າງ ສປປ ລາວ ແລະ ປະເທດອົດສະຕຣາລີ ໂດຍສະ
ເພາະ ລະຫວ່າງສອງຂະແໜງການຕ່າງປະເທດ ທີ່ມີມາແລ້ວນັ້ນ ໃຫ້ນັບມື້ແໜ້ນແຟ້ນຍິ່ງຂຶ້ນ ທ່ານນາຍົກລັດຖະມົນຕີ ຍັງໄດ້ຖືໂອ
ກາດນີ້ສະແດງຄວາມຂອບອົກຂອບໃຈມາຍັງລັດຖະບານ ແລະ ປະຊາຊົນອົດສະຕຣາລີ ທີ່ໄດ້ໃຫ້ການສະໜັບສະໜູນຊ່ວຍເຫຼືອ
ສປປ ລາວ ໂດຍຕະຫຼອດມາ ແລະ ການຊ່ວຍເຫຼືອດັ່ງກ່າວ ມັນໄດ້ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງ
ລາວ ຊຶ່ງການຊ່ວຍເຫຼືອສ່ວນຫຼາຍ ແມ່ນໄດ້ສຸມໃສ່ຂະແໜງສາທາລະນະສຸກ ໃນການສົ່ງເສີມດ້ານສຸຂະພາບ ເພື່ອເຮັດໃຫ້ປະຊາ
ຊົນເຂດຫ່າງໄກສອກຫຼີກ ໄດ້ສາມາດເຂົ້າເຖິງການບໍລິການຮັກສາສຸຂະພາບ ແນໃສ່ເຮັດໃຫ້ອັດຕາຜູ້ທີ່ເປັນພະຍາດຕາບອດຢູ່ລາວ
ຫຼຸດລົງ ແລະ ໃຫ້ທຶນການສຶກສາແກ່ນັກສຶກສາລາວ ເພື່ອໄປຍົກລະດັບດ້ານວິຊາການຢູ່ປະເທດອົດສະຕຣາລີ ແລະ ອື່ນໆ ທັງໝົດ
ນີ້ມັນສະແດງໃຫ້ເຫັນເຖິງຄວາມເອົາໃຈໃສ່ຂອງລັດຖະບານອົດສະຕຣາລີ ທີ່ມີຕໍ່ປະເທດດ້ອຍພັດທະນາ ສປປ ລາວ.
ທ່ານ ບ໋ອບ ຄາ ກໍໄດ້ສະແດງຄວາມຂອບອົກຂອບໃຈ ຕໍ່ການຕ້ອນຮັບອັນອົບອຸ່ນຂອງທ່ານນາຍົກລັດຖະມົນຕີ ພ້ອມທັງແຈ້ງໃຫ້
ຊາບກ່ຽວກັບຈຸດປະສົງ ກໍຄືຜົນສຳເລັດຂອງການຢູ່ຢ້ຽມຢາມ ສປປ ລາວ.
ຂ່າວແຈ້ງຕື່ມວ່າ: ເວລາຕໍ່ມາຂອງວັນດຽວກັນນີ້ທ່ານ ບ໋ອບ ຄາ ສະມາຊິກສະພາສູງ ລັດຖະມົນຕີວ່າການ ກະຊວງການຕ່າງປະ
ເທດອົດສະຕຣາລີ ພ້ອມຄະນະ ຍັງໄດ້ເຂົ້າພົບປະກັບທ່ານ ສົມດີ ດວງດີ ລັດຖະມົນຕີວ່າການ ກະຊວງແຜນການ ແລະ ການລົງ
ທຶນ ທີ່ກະຊວງແຜນການ ແລະ ການລົງທຶນ ເພື່ອພົບປະປຶກສາຫາລືກັນກ່ຽວກັບການຮ່ວມມືດ້ານການຄ້າ ແລະ ການລົງທຶນຂອງ
ສອງປະເທດໃນຕໍ່ໜ້າ.
ທີ່ມາhttp://www.vientianemai.net

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...