ພາບທີ່ປາກົດຕໍ່ສາຍຕາຂອງທ່ານຕໍ່ໄປນີ້ ມັນເບິ່ງແລ້ວອາດຈະບໍ່ຢາກເຊື່ອ ວ່າຈະມີຢູ່ແທ້ ໂດຍເປັນຝີມືການຖ່າຍພາບຂອງ ເຈສັນ ເດ ແຄຣສ໌ ເທຍ໌ເລີຣ໌ ປະຕິມາກອນທີ່ຊື່ດັງຂອງອັງກິດ ຊຶ່ງເປັນທັງຄູສອນດໍານໍ້າ, ຊ້າງພາບ ແລະ ເປັນນັກອະນຸລັກລະບົບນິເວສໃຕ້ນໍ້າ
ບໍ່ນ່າເຊື່ອວ່າໂລກໃຕ້ນໍ້າ ຈະມີຄວາມລຶກລັບສິ່ງນີ້ຢູ່ດ້ວຍ
ທັ່ງນີ້ ເຈສັນ ເດ ແຄຣສ໌ ເທຍ໌ເລີຣ໌ ກໍ່ບໍ່ສາມາດຊອກຫາ ສະຖານທີ່ສໍາລັບສ້າງສັນຜົນງານສິລະປະໄດ້ ຈຶ່ງຄິດນໍາຄວາມຮູ້ ທັງໝົດມາໃຊ້ ແລະ ຕັດສິນໃຈສ້າງພິພິທະພັນໃນທ້ອງທະເລທົ່ວໂລກ ໂດຍສ້າງພິພິທະພັນໃຕ້ນໍ້າແຫ່ງທໍາອິດຢູ່ທີ່ປະເທດໝູ່ເກາະ ກຣານາດາ ໃນທະເລ ແຄຣິບບຽນ ເມື່ອປີ 2006 ຈົນໃນທີ່ສຸດ ເທຍ໌ເລີຣ໌ ໄດ້ສ້າງ “ພິພິທະພັນ ໃຕ້ນໍ້າກັງກຸນ” ແຫຼ່ງລວບລວມປະຕິມາກໍາໃຕ້ນໍ້າທີ່ໃຫຍ່ທີ່ສຸດໃນໂລກ ນັບແລ້ວຫຼາຍກວ່າ 500ຊິ້ນ ບໍລິເວັນຊາຍຝັ່ງເມືອງກັງກຸນ ໃນເຂດພຶ້ນທີ່ອຸທະຍານແຫ່ງຊາດທາງທະເລກັງກຸນ ປະເທດແມັກຊີໂກ
ໂດຍລາວຕ້ອງການໃຫ້ງານສິລະປະຂອງລາວ ສາມາດເຮັດໜ້າທີ່ເປັນແນວປະກາລັງທຽມ ເພື່ອເປັນທີ່ຢູ່ອາໃສຂອງສັດທະເລ ອາທິ ປຣາກາຕູນ ເມ່ນທະເລ ຟອງນໍ້າ ເຕົ່າທະເລ ຫຼື ແມ່ນແຕ່ ສະຫຼາມ ຊຶ່ງຈະບໍ່ຖືກທໍາລາຍໂດຍຄົນ ຫຼືທໍາມະຊາດ ໄດ້ງ່າຍໆ
ເພາະປະຕິມາກໍາເຫຼົ່ານີ້ສ້າງຂຶ້ນຈາກ ຄອນກຣີດຊະນິດພິເສດ ບໍ່ຖືກກັດເຊາະ ແລະ ມີຄ່າ PH ເປັນກາງຈຶ່ງບໍ່ເປັນອັນຕະລາຍຕໍ່ລະບົບນິເວດວິທະຍາໃຕ້ທະເລ ແລະ ເປັນການເພີ່ມພື້ນທີ່ແນວປະກາລັງ ທີ່ປົກກະຕິຈະມີພຽງ 10-15 ສ່ວນຮ້ອຍຂອງພື້ນທີ່ທັ່ງໝົດໃນທ້ອງທະເລທົວໂລກ.
