ເມື່ອວັນທີ່21ມີນາ2015ເວັບໄຊມິເລີຂອງອັງກິດເປີດເຜີຍເລື່ອງລາວໜ້າສະຫລົດຂອງແມ່ໂຊຟີ ເບີເກສ໌ ອາຍຸ19ປີຈາກອັງກິດທີ່ຖືພາລູກນ້ອຍຝາແຝດແຕ່ແລ້ວຫລັງຈາກເກີດລູກໂຊກຊະຕາກັບໂຫດຮ້າຍເຮັດໃຫ້ນາງເສຍຊີວິດເພາະພາວະຕິດເຊື້ອໃນກະແສເລືອດບໍ່ມີໂອກາດແມ່ນຈະໄດ້ກອດລູກນ້ອຍໜ້າຮັກທີ່ຫາກໍ່ຈະລືມຕາຂຶ້ນມາເບິ່ງໂລກ
ໂຊຟີເບີເກສ໌ຖືພາລູກນ້ອຍຝາແຝດແລະນາງໃຫ້ກຳເນີດໜູນ້ອຍແອວີແລະໂອລິເວີ ອອກມາເມື່ອວັນທີ່18ມີນາທີ່ຜ່ານມາໂດຍທັງຄູ່ເກີດກ່ອນກຳນົດ8ອາທິດແຕ່ແລ້ວຫລັງຈາກເກີດລູກນາງກັບຕິດເຊື້ອໃນກະແສເລືອດແລະອາການກໍຊຸດລົງຈົນເຮັດໃຫ້ນາງເສຍຊີວິດລົງພາຍໃນ 48 ຊົ່ວໂມງ
ຈາກເຫດການສຸດເສົ້າເສຍໃຈນີ້ ເຄກ ອ້າຍຂອງໂຊຟີໄດ້ເປີດເຜີຍວ່ານ້ອງສາວຂອງເຂົາເປັນຄົນສົດໃສລ່າເລີງນັບຕັ້ງແຕ່ຮູ້ວ່າຖືພານາງລໍທີ່ຈະໄດ້ເຫັນໜ້າລູກມາໂດຍຕະຫລອດແຕ່ແລ້ວມັນໜ້າເສົ້າທີ່ນາງຈາກໄປທັງທີ່ຍັງບໍ່ມີໂອກາດໄດ້ກອດໄດ້ອຸ້ມລູກຂອງນາງເລີຍ
ຫລັງຈາກໂຊຟີຈາກໄປອະເລັກແຟນໜຸ່ມຂອງນາງກໍຕ້ອງຮັບຫນ້າເບິ່ງແຍງລູກຕົວນ້ອຍແຝດທັງສອງຄົນນີ້ພຽງລຳພັງຊຶ່ງນັ້ນກໍເບິ່ງຄືຈະເປັນວຽກໃຫຍ່ສຳລັບຜູ້ຊາຍເລີຍ
ຕອນນີ້ທາງຄອບຄົວຂອງໂຊຟີແລະບັນດາເພື່ອນໆກຳລັງຫາທາງລະດົມທຶນເພື່ອນຳມາເປັນຄ່າໃຊ້ຈ່າຍໃນການລ້ຽງດູເດັກນ້ອຍຝາແຝດທັງ2ຄົນຢູ່ເພື່ອໃຫ້ແອນ້ອຍໄດ້ເຕີບໂຕຂຶ້ນຢ່າງບໍ່ຕ້ອງລຳບາກໃນອານາຄົດ
