ປາກີສະຖານ ດຳເນີນການແຂວນຄໍນັກໂທດປະຫານ 12 ຄົນໃນມື້ດຽວ ເມື່ອວັນອັງຄານ (17 ມີນາ) ຜ່ານມາ.
ສຳນັກຂ່າວຕ່າງປະເທດ ລາຍງານໃນວັນທີ 18 ມີນານີ້ວ່າ ປະເທດປາກີສະຖານ ໄດ້ດຳເນີນການແຂວນຄໍນັກໂທດປະຫານ 12 ຄົນ ໃນມື້ວານນີ້ (17 ມີນາ) ໂດຍຈາກການເປີດເຜີຍຂອງໂຄສົກກະຊວງປ້ອງກັນຄວາມສະຫງົບປາກີສະຖານ ບັນດານັກໂທດເຫລົ່ານີ້ ແມ່ນມີຄວາມຜິດໃນຂໍ້ຫາຕ່າງໆເຊັ່ນ ກໍ່ການຮ້າຍ, ຄາດຕະກຳ ແລະ ຄະດີອາຊະຍາກຳຮ້າຍແຮງອື່ນໆ.
ທັງນນີ້ ປາກີສະຖານເຄີຍງົດເວັ້ນໂທດປະຫານຊີວິດມາດົນເຖິງ 7 ປີ ແຕ່ຫາກໍມາເລີ່ມນຳໃຊ້ໂທດປະຫານຊີວິດອີກເທື່ອໜຶ່ງ ໃນມື້ວັນທີ 11 ມີນາຜ່ານມານີ້ ເຮັດໃຫ້ການແຂວນຄໍນັກໂທດ 12 ຄົນຄັ້ງລ່າສຸດນີ້ ນັບວ່າເປັນການສັງຫານນັກໂທດໃນເທື່ອດຽວຫລາຍທີ່ສຸດ ຕັ້ງແຕ່ຍົກເລີກໂທດປະຫານຊີວິດເປັນຕົ້ນມາ.