ຫລັງຈາກທີ່ທາງຕົ້ນສັງກັດ KPY Entertainment ໄດ້ປະກາດວ່າ ຕິ່ງ ໄພລາວັນ ສາວນ້ອຍມະຫັດສະຈັນ ຈະກັບມາເຮັດຜົນງານເພງອີກຄັ້ງ ແລະ ຈົນເຮັດໃຫ້ທຸກຄົນຕ່າງກໍ່ຖາມໄຖ່ຂ່າວຄາວກັນເລື່ອຍໆມາ. ແລ້ວຕອນນີ້ ຕິ່ງ ກໍ່ພ້ອມແລ້ວທີ່ຈະປ່ອຍ Single ໃຫມ່ ໃນວັນທີ 12/03/2015 ນີ້ໃຫ້ກັບທຸກຄົນໄດ້ຟັງກັນໃນທຸກໆຄື້ນວິທະຍຸ ແລະ Youtube ກັບເພງ “Memory” (ຄວາມຊົງຈຳ) ເຊິ່ງຈະເປັນເພງຊ້າແນວ Pop ນຳສະໄຫມ ແລະ ທຸກຄົນກໍ່ຈະໄດ້ເຫັນເຖິງພັດທະນາການຂອງ ຕິ່ງ ໄດ້ຊັດເຈນ. ທຸກ Memory ທຸກ ຄວາມຊົງຈຳ ທັ້ງສຸກ ແລະ ຊຶ້ງ ຈະກັບມາຫາທຸກຄົນອີກຄັ້ງຢ່າງແນ່ນອນ.