ປະຈຳເດືອນເລື່ອງປົກກະຕິທີ່ສາວໆທຸກຄົນຕ້ອງເຈີແບບທີ່ເອີ້ນວ່າຫລີກລ້ຽງກັນບໍ່ໄດ້ເລີຍແລະເພື່ອສຸອະນາໄມທີ່ດີຂອງຈຸດລັບນຳແລ້ວຍິ່ງຕ້ອງໃຫ້ຄວາມສຳຄັນກັນແນ່1ເດືອນມາ1ຄັ້ງ, ຮັກສາຄວາມສະອາດກັນເອົາໄວ້ບໍ່ດັ່ງນັ້ນເກີດກິ່ນອັນບໍ່ພຶງປະສົງຢ່າງແນ່ນອນແລະເມື່ອເກີດກິ່ນກັນແລ້ວເຮົາກໍມີວິທີດັບກິ່ນມາຝາກກັນ
ເຊື່ອເລີຍວ່າສາວໆຈຳນວນບໍ່ນ້ອຍເລີຍທີ່ມີທັງຄວາມກັງວົນ,ອຶດອັດແລະລຳຄານເວລາທີ່ເມື່ອເຖິງເວລາທີ່ປະຈຳເດືອນມາເພາະນອກຈາກຈະອອກໄປທ່ຽວໃສມາບໍ່ຄ່ອຍສະດວກເພາະສ້າງຄວາມກັງວົນວ່າຈະເປື້ອນບໍຢູ່ຢ່າງໃນທັງມື້ນັ້ນແລະແຖມຍັງໄປລອຍນ້ຳແບບເພື່ອນໆຄົນອື່ນກໍຍັງບໍ່ໄດ້ອີກເພາະວ່າຊ່ວງທີ່ມີປະຈຳເດືອນນັ້ນເປັນຊ່ວງທີ່ເຊື້ອພະຍາດສາມາດເຂົ້າໄປໃນມົດລູກໄດ້ງ່າຍໆຫລາຍສະນັ້ນແລ້ວຈຶ່ງມີການງົດເລື່ອງການລອຍ ລວມເຖິງສາວໆທີ່ມີຜົວແລ້ວກໍອາດຈະຕ້ອງມີການງົດເລື່ອງເພດສຳພັນທີ່ບໍ່ປອດໄພກັນໄວ້ນຳເນື່ອງຈາກວ່າອາດຈະເຮັດໃຫ້ຕິດເຊື້ອທາງມົດລູກໄດ້ຊຶ່ງບັນຫາທີ່ຈະມານັ້ນຈະສ້າງຄວາມລຳຄານຍິ່ງກວ່າປະຈຳເດືອນມາອີກຍົກຕົວຢ່າງເຊັ່ນເປັນຕົກຂາວຜິດປົກກະຕິໄດ້ມີກິ່ນ,ຄັນ,ເຊື້ອລາແລະອື່ນໆຊຶ່ງເຫດນີ້ຕ້ອງພົບແພດດ່ວນກັນ
ປົກກະຕິປະຈຳເດືອນຈະມີກິ່ນສະເພາະອ່ອນໆຊຶ່ງບໍ່ຫລວງຫລາຍຫຍັງບໍ່ເຮັດໃຫ້ສາວໆຫລາຍໆຄົນຮູ້ສຶກລຳຄານໄດ້ແຕ່ເມື່ອການສະສົມຂອງແບກທີເລຍເກີດຂຶ້ນກັບຈຸດລັບອັນເປັນບັນຫາມາຈາກການໃຊ້ຜ້າອະນາໄມແບບບໍ່ຄ່ອຍປ່ຽນຫລືບໍ່ປ່ຽນເລີຍສະນັ້ນແລ້ວຫັນມາປ່ຽນຜ້າອະນາໄມທຸກ3ຊົ່ວໂມງຕໍ່1ແຜ່ນແຕ່ຖ້າມື້ໃດມາຫລາຍກໍຄວນປ່ຽນ2ຊົ່ວໂມງຕໍ່1ແຜ່ນແລະຄວນເລືອກໃຊ້ຜ້າອະນາໄມທີ່ມີຊ່ອງລະບາຍອາກາດຫລາຍແນ່ເພາະຈະຊ່ວຍໃນການຖ່າຍເທອາກາດບ່ອນຈຸດລັບບໍ່ໃຫ້ການອັບຊື້ນໄດ້ເປັນຢ່າງດີເລີຍບໍ່ຄວນເລືອກຜ້າອະນາໄມທີ່ປະສົມກິ່ນນ້ຳຫອມນະເພາະວ່າໃນນ້ຳຫອມໃນມີສານເຄມີທີ່ຈະທຳລາຍຄວາມສົມດຸນຂອງຈຸດລັບໄດ້ສະນັ້ນແລ້ວຕ້ອງເລືອກຜ້າອະນາໄມທີ່ບໍ່ມີສ່ວນປະສົມຂອງນ້ຳຫອມຈຶ່ງຈະດີທີ່ສຸດສຳລັບຈຸດລັບວິທີງ່າຍໆແບບນີ້ກໍຊ່ວຍດັບກິ່ນປະຈຳເດືອນແບບບໍ່ພຶງປະສົງໄດ້ສາວໆທັງຫລາຍຕໍ່ໄປນີ້ໝັ່ນໃຈຫາຍຫ່ວງເລື່ອງກິ່ນຂອງຈຸດລັບກັນໄດ້ເລີຍ