ໜ່ວຍງານວິເຄາະທາງດ້ານເສດຖະກິດ ຈັດອັນດັບເມືອງທີ່ມີຄ່າຄອງຊີບສູງທີ່ສຸດໃນໂລກ ສິງກະໂປຍັງຄອງແຊັ້ມ ຖັດລົງມາແມ່ນນະຄອນຫລວງປາຣີ ປະເທດຝຣັ່ງ.
ສຳນັກຂ່າວຕ່າງປະເທດ ລາຍງານໃນວັນທີ 3 ມີນາຜ່ານມານີ້ວ່າ ປະເທດສິງກະໂປ ຍັງຄອງຄອງແຊັ້ມເປັນເມືອງທີ່ມີຄ່າຄອງຊີບທີ່ສູງທີ່ສຸດໃນໂລກ ເຊິ່ງ 5 ອັນດັບສູງສຸດໃນປີນີ້ ກໍຍັງຄົງບໍ່ປ່ຽນແປງໄປຈາກປີຜ່ານມາເທື່ອ ເຊິ່ງຖັດລົງມາແມ່ນໄດ້ແກ່ ນະຄອນຫລວງປາຣີ ປະເທດຝຣັ່ງ, ເມືອງອອສໂຣ ປະເທດນອກແວ, ເມືອງຊູຣິກ ປະເທດສະວິດເຊີແລນ ລວມທັງນະຄອນຊິດນີ້ ປະເທດອົດສະຕາລີ.
ແຫລ່ງຂ່າວໄດ້ລາຍງານວ່າ ໜ່ວຍງານວິເຄາະດ້ານເສດຖະກິດ ໄດ້ສຳຫລວດ 133 ເມືອງໃນທົ່ວໂລກ ແລະ ໄດ້ໃຊ້ນະຄອນນິວຢອກ ເປັນຂໍ້ມູນພື້ນຖານຫລັກ ເຊິ່ງມີການປຽບທຽບຄ່າໃຊ້ຈ່າຍຫລາຍກວ່າ 160 ຊະນິດ ເຊິ່ງປະກອບມີຜະລິດຕະພັນອາຫານ, ເສື້ອຜ້າ ແລະ ເຄື່ອງສາທາລະນຸປະໂພກອື່ນໆອີກ ໂດຍພົບວ່າປະເທດສິງກະໂປ ຍັງຄອງແຊັ້ມມີຄ່າຄອງຊີບທີ່ສູງກ່ວານະຄອນນິວຢອກເຖິງ 11%.